Iosua 6:5 - A Nitana Vure

⁵ Muri e huriki a prister ri gi vaki lalu a maka nangina tavure, mu magulu rike taku, ge mapuka a nure na tanga, mu dili kunana.”

Iosua 6:5 Iomraidhean Croise

A Nimariu 19:19

A nangina tavure i tangi dagi hateka. Muri e Moses i ta turana Vure. A bubu i kururu i pelaka. E Moses i longoa a Vure i ta pololilo na bubu i koli a nitana.

Hibru 11:30

E huriki a Israel ri luhoi torea a Vure, lakea ri laho haluia na parava i polorua a nure o Ieriko. Muri, a nure dagi iea i mapuka puru tavula.

Iosua 6:16

Na tahuna ri laho halui a tanga dagi balaka polorua, e huriki a prister ri vaki a maka tavure, lakea e Iosua i taki e huriki, i ta maea, “Mu magulu rike, e BAKOVI DAGI i habia ne hita pali a tanga dagi iea.

Iosua 6:20

Lakea e huriki ri magulu, e huriki a prister ri vaki a maka tavure. Na tahuna e huriki ri longo a nangina tavure, ria lobo ri magulu rike taku, i mapuka a nure dagi. Muri ri dili ri bolea a tanga dagi.

Iosua 6:4

A prister ala polorua ri gi laho muga na Tava na Ngava Dagi ri gi bole a maka tavure ni rata na pelengana sipsip. Na poloruana parava ioe turane huriki a nugumaheto mu laho halui a tanga balaka polorua. E huriki a prister ri gi vaki a tavure.

Iosua 6:6

Lakea e Iosua e tune Nun i gale valai vona e huriki a prister i taki ria, i ta maea, “Mu kalohoa a Tava na Ngava Dagi ne BAKOVI DAGI. A prister ala polorua ri gi bole a tavure, ri gi muga na tava.”