Iosua 6:18 - A Nitana Vure

¹⁸ Naha ni bolena tara maki na tanga dagi. Ra maki nga ne vona e BAKOVI DAGI. A viri bara i bolea tara maki, bara i bole dili a maregoa a vuranga na mada ne hita a Israel.

Iosua 6:18 Iomraidhean Croise

Iona 1:12

I koli i ta maea, Mu bole rike iau, mu voro puru iau na dari. Muri bara i puru a malilo, i ngapa. Iau a lohoka vona, a naro hale nau i vakabelea ra taiava.

A Raukea e Paulus i Here Lakea ne Huriki a Rom 12:9

Mu ngaru e huriki, naha ni tamilalu ni ngaru ria. Mu marikoi a naro hale. Mu rata vakaroro a naro kamumu.

2 Korin 6:17

E Bakovi Dagi ta maea, ‘Mu malele ha ne huriki i uka ma ria a ngate nau, naha ni laho turane ria. Naha ni dili na maka naro katoki ne ria, lakea bara bole dili mua,

Epesus 5:11

Naha ni rata a maka naro hale e huriki a bakovi na uvo ri rata. Mu tahate e huriki ri rata. A naro nga ri uka lehone ria.

Vinara 13:17

Naha ni bolea tara maki vona a tanga iea, ra ta ni gi rungani na kanono, i maea e BAKOVI DAGI bara i lobo a rongova vona, i dodo mule mua tabu, i rata mua mu bele kupo hateka, i manga a ngava i ta muholi vona ne huriki a gare ne mua hosi.

Vinara 23:10

Na tahuna a bakovi i mahita na rodo i vurena guru, ge pagitala na mada ge made vonga.

Vinara 7:26

Naha ni bole dili na ruma ne mua a maka maki ri muma hateka. A Vure i taki a maki nga ni gi ratapile, pali mua bara mu bole, bara mu tahoka a vuranga turane ria. Ra vure ne ria, ri muma hateka, mu ngalahere ne ria.”

Iakop 1:27

A naro i malamala na matana Vure, e Tamane hita, i maea: si gi kori e huriki a duku, e huriki a havuri, na tahuna ri bole a maregoa. A maki tara si gi ratea si gi matakari kamumu a nilaho ne hita, i uka ma si gi ramai a rabu na malala, ma si gi katoki na matana Vure.

Iosua 7:1

Muga e BAKOVI DAGI i taki e huriki a Israel nahea ri gi bole ranga maki. A maki lobo ge nono. Pali e Akan i longotaroa a ngava iea, i panaho ranga maki. Lakea e BAKOVI DAGI i madihi a hatena ne huriki a Israel. E Akan e tune Karmi, e Karmi e tune Sapdi, e Sapdi e tune Sera na kabu ne Iuda.

Iosua 7:13

“O pesi rike, o vano o kisi e huriki ri gi matapado, ri gi valai na matagu kuduvi, a vuhuna iau e BAKOVI DAGI a tahoka a ngava ne mua. E huriki a Israel ri panaho a maka maki ni tabari iau vona, a ngaru ri gi vuroki. Ge uka, e huriki a pile bara ri rangi mua na vabinga.

Iosua 7:15

Muri ga vakasiria e rei a bakovi i panaho a maki ni tabari iau vona. Muri mu gutua na kanono turana a kabu vona, a maka maki vona lobo. Ra bakovi iea i rata a naro hale, i vakamaruhu e huriki a Israel. I longotaroa a ngava dagi iau e BAKOVI DAGI a rata turane ria.”

Iosua 7:25

Lakea e Iosua i takia, “Ge a ra o habi a maregoa dagi ne mia? Ngane ioe tara, e BAKOVI DAGI ge habi a maregoa dagi vomu.” Muri e huriki a Israel ri bole a maka kedo ri padimatea e Akan turana a kabu vona. Ri rungani turana a maka maki lobo ne ria.

1 Ioanes 5:21

Mua e huriki e tugu, mu malele ha na maka vure taminga.