Iosua 6:12 - A Nitana Vure

¹² E Iosua i hadongo na hatelanga pokopoko, e huriki a prister ri kaloho tabua a Tava ne BAKOVI DAGI, ri vano turana.

Iosua 6:12 Iomraidhean Croise

A Vuhuna 22:3

Na hatelanga pokopoko na parava muri e Abraham i hadongo i kisia a donki vona. Muri i vakarike na bitona donki a kai i popo puru ne vona ni gutu a nihabi vona. Muri i tuli e Isak turana a vora vona ala rua, ri havai maia a robo i takia vona a Vure.

Vinara 31:25

i taki e huriki a prister na kabu ne Levi, ri gi matakaria a Tava na Ngava Dagi ne BAKOVI DAGI.

Iosua 3:1

E Iosua i hadongo na hatelanga pokopoko turane huriki a Israel, ri pea a mada na tanga e Sitim, ri vano ri bele na naru e Iordan. Ri rata a mada na gagana, i uka ma ri tulu poloa.

Iosua 6:11

Lakea i rudu e huriki a prister turana a Tava ne BAKOVI DAGI ri laho haluia a tanga dagi balaka taku. Muri ri hamule, ri made na mada vona a rodo iea.

Iosua 6:13

Ra prister ala polorua nga ri bole a maka tavure ri laho muga na Tava ne BAKOVI DAGI ri vaki. I ranga nugumaheto ri laho muga ne ria. I ranga nugumaheto ri laho muri na Tava ne BAKOVI DAGI. Na tahuna ri lalaho e huriki a prister ri vaki mavonga a tavure.