Iosua 5:9 - A Nitana Vure

⁹ Muri e BAKOVI DAGI i takia e Iosua i ta maea, “Hosi mu leho manga a vorakato o Egipto mu maruhu hateka. Ngane a bole vurokia ne mua a nimaruhu iea.” Lakea ni gale liu a tanga iea e Gilgal.

Iosua 5:9 Iomraidhean Croise

A Vuhuna 34:14

Lakea ri taki rua, “I uka ma mi gi longo mai marua. I uka ma mi gi habia e kurabane mia na bakovi i uka ma ni pala a kulina, ma ge habi a nimaruhu ne mia.

E Levi 24:14

“O turari talea na mada a bakovi iea. E huriki ri longoa i harogi iau, ri gi ru langa na gina a limane ria. Ri rata mavonga, ri gi vakasiria ra bakovi iea i tahoka a maregoa pali, ri gi padimatea na kedo.

Iosua 24:14

E Iosua i vakalongo lobo a nitane BAKOVI DAGI, i ta tabu i ta maea, “Ngane mu longo. Mu togoa e BAKOVI DAGI, mu ramaia mu rata vakaroro a leho vona na hatene mua. Mu lohopile vona a maka vure ranga e huriki a gare ne mua ri kavurike ria na tabeke ne Mesapotamia ne Egipto. Mu ramai kunanea e BAKOVI DAGI.

Iosua 4:19

E huriki a Israel ri laho poloa a naru e Iordan na ravuluna parava na mugana keva, ri rata a mada na tanga e Gilgal, tabukoi o Ieriko na tabeke na nirikena haro.

Iosua 5:8

Ni pala a kuline huriki a bakovi lobo, muri ri made vonga na mada ge kere taro a harena voko ne ria.