Iosua 5:1 - A Nitana Vure

¹ E huriki a hariki o Amor ri made na tabeke na nirolona haro ne Iordan, e huriki a hariki o Kenan ri made na harena a Dari na Kurukuruna Malala, ri longo a velengane BAKOVI DAGI i ratea a naru e Iordan i mara i laho polo vona e huriki a Israel. E huriki a hariki nga, ri longo e huriki a Israel ri valai tabukoi, ri mangenge hateka, i vakulu a tagane ria.

Iosua 5:1 Iomraidhean Croise

A Vuhuna 12:6

Na tahuna ri bele o Kenan, ri lakea na hini i pesi vona a kai dagi ni gale e More, na tanga e Sekem. Na tahuna iea e huriki a Kenan ri made vona a robo iea.

A Vuhuna 48:22

Ioe kunana, naha e huriki e turamu, ga habia vomu a robo a bolea ne huriki a Amor na tahuna a vaubi turane ria na bainat, na kiniperi nau.”

A Nimariu 23:28

Ga rudu muga a maka vuvu ri gi tura e huriki a Hivi, a Kenan, a Hiti, ri gi lili tala ria.

Ni Gi 13:29

E huriki a Amalek ri made mule puru na tabeke ne Negev. E huriki a Hiti, a Iebus, a Amor ri made na lolo. E huriki a Kenan ri made tabukoi na dari na Kurukuruna Malala, pali i ranga ri made na gagane Iordan.”

Iosua 17:12

Pali e huriki a Manase ri keri ni lili tala e huriki a Kenan ri made vona a maka tanga nga. E huriki a Kenan ri tababana ni made vonga.

Iosua 17:18

Ngane bara mu bole tabu a maka malala na kupona. Muholi ngi a kururobo, bara mu tolo lava mu bole, ge ne mua liu. E huriki a Kenan na tabeke iea ri gao ri tahoka a maka karis ni rata na aen, pali bara mu lili tala ria.

Iosua 24:15

Mua, i uka ma mu ngaru ni ramai e BAKOVI DAGI, mu luhoi kamumu. E rei ngane mu gu ramaia? Mu gu kavurike a maka vure ranga ne huriki a gare ne mua o Mesapotamia? O mu gu kavurike a maka vure ranga ne huriki a Amor, ra mu made na malala ne ria ngane? Pali iau, turana a kabu nau, mete ge ramaia mete ge kavurike kunanea e BAKOVI DAGI.”

Iosua 3:16

lakea a naru i roga, i uka ma i tua tabu. Ra naru i tua valai meli i tabuli manga a lolo i vano i harena na tanga e Adam, ra tanga i pesi tabukoi na tanga e Saretan. A naru i tua lakea na Dari Mate i kere liu. E huriki ri laho polo ri bele na tabeke tara tabukoi o Ieriko.

Iosua 3:17

E huriki a Israel ri laho polo na hini kere. E huriki a prister ri kalohoa a Tava na Ngava Dagi ne BAKOVI DAGI, ri pesi mavonga na hini kere na kurukuruna a naru e Iordan, i harena ne huriki ri laho polo lobo.

Kapiloho 18:10

Bara ri mangenge na nimadihi dagi hateka i bolea, ri pesi basi, ri ta maea, “‘Omo! O tanga dagi-o, ra tanga kamumu e Babilon! A Vure i pelekado ioe, o lobo maki tavula-o.’