Iosua 4:13 - A Nitana Vure

¹³ E huriki ri lakea na vabinga ri ala rangale ravulu va (40,000). Na matane BAKOVI DAGI ri vano ri bele na bila tabukoi na tanga dagi e Ieriko.

Iosua 4:13 Iomraidhean Croise

A Nimariu 13:18

Lakea a Vure i bole ria, ri laho halui a tabeke i ngeki, ri vano ri bele na Dari Vururu. Na tahuna ri mariu tala o Egipto, ri bole a maki na vabinga ri vano.

Ni Gi 32:17

I mavonga, e girihine mia, e tune mia ri gi made kamumu na tanga ni tura halui, i uka ma ge ratapile ria e huriki a taho tanga. Muri mi gi bole a maki na vabinga, mi gi muga ne huriki a Israel na vabinga, mi gi taparaki ria na maka tanga ne ria.

Epesus 6:11

Mu rodo lobo a maki na vabinga na Vure, mu gu paha taga, mu gu gege a maka taminga na hanitu.

Vinara 3:18

“Na tahuna iea, a vakuku mua a ta maea, ‘E BAKOVI DAGI a Vure ne hita, i habia ne mua pali a malala iea i tabuli na nirikena haro na naru e Iordan, mu gu made vona. Ngane e huriki a bakovi ne mua ri gi bole a maki na vabinga, ri gi tulu poloa a naru e Iordan, ri gi tuhori e huriki a Israel ri gi bolea a malala iea.

Iosua 4:12

E huriki a tara ne Reuben, ne Gad, a kalavana a kabu ne Manase ri bole a maka lebo na vabinga, ri muga e huriki, i manga a ngava e Moses i taki.

Iosua 4:14

E huriki a Israel ri matai a maka maki e BAKOVI DAGI i rata vona a parava iea, ri togoa e Iosua, i manga hosi ri togoa e Moses.

Iosua 5:10

E huriki a Israel ri made na mada ne ria, na bila tabukoi o Ieriko. Na rodo na parava ravulu a polona i va, na mugana keva ri ratea a Habu na Nipagepolo.