Iosua 3:7 - A Nitana Vure

⁷ E BAKOVI DAGI i takia e Iosua i ta maea, “Ngane ga tubu ni rata e huriki a Israel ri gi kavurike a ramu, ri gi lohoka vona iau a made turamu, i manga a hini a laho turane Moses.

Iosua 3:7 Iomraidhean Croise

Ioanes 17:1

E Isu i taki lobo a ngava nga, lakea i mata rike na hunu, i vasileki maea, “Tata, a parava i valai pali. O kavurike iau, e Tumu, lakea iau ga kavurike ioe,

Pilipai 1:20

A pasimata, a luhoi tora vona a hini i uka ma ga maruhu. Ga pesi tora, i uka ma ga mangenge, lakea a ra maki ge bele nau, ga mate, o ga mahuri, e huriki ri gi matai a narogu hosi, i valai i harena mona, ri gi togoa e Kristo.

Iosua 1:17

Mi gi ramai a ngavamu ge manga a hini mi ramai a nitane Moses. E BAKOVI DAGI, a Vure vomu, ge made turamu ge manga a hini i made turane Moses.

Iosua 1:5

O Iosua na tahuna o matakari e huriki a Israel, i uka tara kabu ge rangi mua na vabinga. Iau ga made turamu ge manga a hini a made turane Moses. Iau i uka ma ga pe ioe.

Iosua 1:9

A taki ioe pali, o pesi tora, naha ni mangenge, naha ni loho paepae. A vuhuna iau e BAKOVI DAGI a Vure vomu, ga laho turamu na tabeke lobo.”

Iosua 3:6

Muri i taki e huriki a prister, “Mu bolea a Tava na Ngava Dagi, mu laho muga ne huriki.” E huriki a prister ri ramai a ngava i taki e Iosua.

Iosua 3:8

O taki e huriki a prister ri gi kaloho maea a Tava na Ngava Dagi, ‘Na tahuna mu bele na naru e Iordan, mu puru na naru, mu pesi pololilo vonga mu dava.’”

Iosua 4:14

E huriki a Israel ri matai a maka maki e BAKOVI DAGI i rata vona a parava iea, ri togoa e Iosua, i manga hosi ri togoa e Moses.