Iosua 3:5 - A Nitana Vure

⁵ E Iosua i taki e huriki i ta maea, “Mu ramaia a naro ni matapado na matane BAKOVI DAGI, a vuhuna kuduvi e BAKOVI DAGI ge rata a maka nivakasiri na kurukurune mua.”

Iosua 3:5 Iomraidhean Croise

E Levi 10:3

Muri e Moses i takia e Aron, “E BAKOVI DAGI i ta maea: ‘E huriki ri leho nau, ri gi lohoka kamumu vona iau a kiripiripi. Na matane huriki lobo, bara vakasiri ria vona a nitora dagi, a bagetua nau.’” E Aron i longoa a nita iea, i uka ngavana.

E Levi 20:7

“I mavonga, mu habi mua nau bara mu laho malamala, a vuhuna iau, e BAKOVI DAGI a Vure ne mua.

Ni Gi 11:8

Na tahuna a simuru i boru langa na mada, a mana tara i boru turana. Na hatelanga e huriki a bakovi, a ngatavine bara ri laho viliha na mada, ri poi a mana. Muri bara ri bole a kedo, ri tutu, i bele manga a plaoa. Bara ri nono na ulo, ri bole ranga ri rata a bisket vona, i manga a bisket ni gutu turana a namona oliv.

Ioanes 17:19

Iau a luhoi ria, lakea a habi a hategu ne vomu, lakea ria ranga ri gi habi a hatene ria ne vomu.

Iosua 3:13

E huriki a prister ri gi kalohoa a Tava na Ngava Dagi ne BAKOVI DAGI na tabeke lobo na malala. Na tahuna ri tovo puru a vahane ria na naru, a naru bara i kere a hini ri laho polo vona, a vuhuna ra naru i tua valai na matana, bara i roga mule, i lolo.”

Iosua 3:15

Ra tahuna iea a tahuna ni mirio na hania, a naru e Iordan i tua hateka. Na tahuna e huriki a prister ra ri kaloho a tava ri bele vonga, ri tovo puru a vahane ria na gagana naru,

Iosua 3:4

I mavonga bara mu lohoka vona a dala mu gu ramaia, a vuhuna i uka ma mu lakea ma vona a hini nga. Pali naha ni laho tabukoi na Tava na Ngava Dagi. Mu marava basi vona ge harena na kilomita ge taku.”

Iosua 3:6

Muri i taki e huriki a prister, “Mu bolea a Tava na Ngava Dagi, mu laho muga ne huriki.” E huriki a prister ri ramai a ngava i taki e Iosua.

Iosua 7:13

“O pesi rike, o vano o kisi e huriki ri gi matapado, ri gi valai na matagu kuduvi, a vuhuna iau e BAKOVI DAGI a tahoka a ngava ne mua. E huriki a Israel ri panaho a maka maki ni tabari iau vona, a ngaru ri gi vuroki. Ge uka, e huriki a pile bara ri rangi mua na vabinga.