Iosua 3:3 - A Nitana Vure

³ ri taki e huriki ri ta maea, “Na tahuna mu matai e huriki a prister na kabu ne Levi ri gi malaga, ri gi kalohoa a Tava na Ngava Dagi ne BAKOVI DAGI a Vure ne hita, mu malaga, mu ramai ria.

Iosua 3:3 Iomraidhean Croise

Ni Gi 10:33

E huriki a Israel ri pe mulea a lolo ne BAKOVI DAGI e Sinai, ri laho na parava i tolu. Ri kalohoa a Tava na Ngava Dagi ne BAKOVI DAGI, ri laho muga ri gi bele na tabeke tara ri gi malo vona.

Ni Gi 4:15

“Na tahuna e Aron, e tuna mai ri kavitagu lobo a maki i taba, muri e huriki e tune Kohat bara ri kaloho a maka mahala na kape, pali nahea ri gi padoi a maka maki nga. Ria bara ri padoi, bara ri mate. Na tahuna ri pe a mada, e Aron turane huriki e tuna, ri gi kavitagu kamumu a maka maki nga. Ra maki nga, e huriki e tune Kohat kunana ri kaloho.

Mateo 16:24

Muri e Isu i taki e huriki a muri­muri vona, i ta maea, “E rei a viri i ngaru ni muri nau, ge lohopile a ningaru vona, ge kalohoa a kai tavalavala vona, ge ramai iau.

Mateo 8:19

Muri tara mari na vinara na lotu i valai vona i ta maea, “Mari ni tovo. I vai a hini go lakea vona, ga muri mai ioe kunana.”

Vinara 31:25

i taki e huriki a prister na kabu ne Levi, ri gi matakaria a Tava na Ngava Dagi ne BAKOVI DAGI.

Vinara 31:9

E Moses i here a maka vinara i habi ne huriki a prister na kabu ne Levi, ne huriki a gare ne Israel. E huriki a Levi ri matakari a Tava na Ngava Dagi ne BAKOVI DAGI.

Iosua 3:4

I mavonga bara mu lohoka vona a dala mu gu ramaia, a vuhuna i uka ma mu lakea ma vona a hini nga. Pali naha ni laho tabukoi na Tava na Ngava Dagi. Mu marava basi vona ge harena na kilomita ge taku.”

Iosua 3:6

Muri i taki e huriki a prister, “Mu bolea a Tava na Ngava Dagi, mu laho muga ne huriki.” E huriki a prister ri ramai a ngava i taki e Iosua.

Iosua 3:8

O taki e huriki a prister ri gi kaloho maea a Tava na Ngava Dagi, ‘Na tahuna mu bele na naru e Iordan, mu puru na naru, mu pesi pololilo vonga mu dava.’”

Iosua 4:10

E huriki a prister ri pesi na kuru­kurune Iordan i harena na tahuna e Iosua i rata lobo a maka maki e BAKOVI DAGI i vakuku ia vona, i ramaia a ngava ne Moses. E huriki ri malaviriri kunana ri bele na gagana tara.

Iosua 6:6

Lakea e Iosua e tune Nun i gale valai vona e huriki a prister i taki ria, i ta maea, “Mu kalohoa a Tava na Ngava Dagi ne BAKOVI DAGI. A prister ala polorua ri gi bole a tavure, ri gi muga na tava.”

Kapiloho 14:4

E huriki nga i uka ma ri mahita turana ngatavine. Ri malamala. Ri ramai vakaroro a Tuna Sipsip. I konamule ria ne huriki a bakovi lobo, ri gi ne vona a Vure, ne vona a Tuna Sipsip.