Iosua 3:16 - A Nitana Vure

¹⁶ lakea a naru i roga, i uka ma i tua tabu. Ra naru i tua valai meli i tabuli manga a lolo i vano i harena na tanga e Adam, ra tanga i pesi tabukoi na tanga e Saretan. A naru i tua lakea na Dari Mate i kere liu. E huriki ri laho polo ri bele na tabeke tara tabukoi o Ieriko.

Iosua 3:16 Iomraidhean Croise

A Vuhuna 14:3

Re huriki a hariki nga ri vadili vapopo ri ru palupu a tara ne ria na maloku ne Sidim ra Dari Mate.

A Nimariu 14:21

Muri e Moses i toto langa na dari a limana. Na rodo e BAKOVI DAGI i ratea a vilu dagi i pori valai na nirikena haro, i tugu mulea a dari i vakalipida na tete i rua.

A Nimariu 14:22

Lakea e huriki a Israel ri laho polo na tabeke i mahasi na kurukuruna. A dari i pesi manga a nure na kanene ria, na maurine ria.

A Nimariu 14:29

Pali e huriki a Israel ri laho polo na hini i mahasi, ri bele na tabeke tara. A dari i pesi manga a nure na kanene ria, a maurine ria.

A Nimariu 15:8

A bangomu i manga a vilu dagi, i ratea a dari i rere, i vakalipopo, i gatuka, i pesi manga a nure.

Ni Gi 34:3

“A nagi i tubu tano liu na malala golea ne Sin i ramai a nagi ne Idom. Na nirikena haro, a nagi i tubu tano na ruperena Dari Mate.

Vinara 1:1

Ra puhu iea i vakalongo a ngava ne Moses i taki ne huriki a Israel na tahuna ri made na malala golea tabukoi na naru e Iordan, na tabeke na nirikena haro. Ri made na maloku ne Iordan, tabukoi na tanga e Sup. A tanga e Paran i pesi na tabeke tara, a tanga e Topel, e Leban, e Haserot, e Disahab to pesi na tabeke tara.

Vinara 3:17

Na tabeke na nirolona haro a nagi na robo ne ria i harena na naru e Iordan. Na tabeke meli a harena i vakatubu na darilomu e Galili i vano i harena na Dari Mate na tabeke tano, tabukoi na lolo e Pisga, tabukoi na nirikena haro na Dari Mate.

Iosua 12:3

Na tabeke na nirikena haro na maloku ne Iordan, a nagi i vakatubu na darilomu e Galili, i lakea na tanga e Bet-Iesimot tabukoi na Dari Mate, i puru lakea i harena na taruna lolo e Pisga.

Iosua 15:2

Ra nagi iea i tubu na harena Dari Mate na tabeke mule puru,

Iosua 16:7

Muri a nagi i puru lakea na tanga e Atarot e Nara, i vano i bele na tanga e Ieriko. Muri i lokovonga liu i harena na naru e Iordan.

Iosua 3:13

E huriki a prister ri gi kalohoa a Tava na Ngava Dagi ne BAKOVI DAGI na tabeke lobo na malala. Na tahuna ri tovo puru a vahane ria na naru, a naru bara i kere a hini ri laho polo vona, a vuhuna ra naru i tua valai na matana, bara i roga mule, i lolo.”

Iosua 4:22

E huriki e tamane ria ri gi koli ri gi ta maea, ‘Ra kedo nga a kilakilane huriki a Israel ri laho polo na naru e Iordan na tahuna i mara.’

Iosua 5:1

E huriki a hariki o Amor ri made na tabeke na nirolona haro ne Iordan, e huriki a hariki o Kenan ri made na harena a Dari na Kurukuruna Malala, ri longo a velengane BAKOVI DAGI i ratea a naru e Iordan i mara i laho polo vona e huriki a Israel. E huriki a hariki nga, ri longo e huriki a Israel ri valai tabukoi, ri mangenge hateka, i vakulu a tagane ria.