Iosua 3:10 - A Nitana Vure

¹⁰ Ngane bara mu lohoka vona e BAKOVI DAGI a Vure ne hita i tahoka a nimahuri, i made turane hita, ge lili tala e huriki a Kenan, a Hiti, a Hivi, a Peres, a Girgas, a Amor, a Iebus. Bara mu matakilaka hateka vona a nitora vona

Iosua 3:10 Iomraidhean Croise

A Vuhuna 15:21

ne Amor, ne Kenan, ne Girgas, ne Iebus.”

A Nimariu 17:7

Ri galea a hini nga e Masa e Meriba, a vuhuna e huriki a Israel ri tahate, ri ta maea, “E BAKOVI DAGI i made turane hita, o i uka?” Na naro iea kunana ri ngaru ni tonia e BAKOVI DAGI.

A Nimariu 3:8

Ngane a puru valai ga korimule ria na limane huriki a Egipto, ga taparaki ria vona a malala kamumu i vona a maki ni kani. Ra malala iea, ngane e huriki a Kenan, a Hiti, a Amor, a Peres, a Hivi, a Iebus ri made vona.

A Nimariu 33:2

Ga rudua a agelo nau, ge muga mua, ge vakasiri a dala ne mua. Iau bara lili tala e huriki a Kenan, a Amor, a Hiti, a Peres, a Hivi, a Iebus ra ri made vona a malala iea.

Ni Gi 13:29

E huriki a Amalek ri made mule puru na tabeke ne Negev. E huriki a Hiti, a Iebus, a Amor ri made na lolo. E huriki a Kenan ri made tabukoi na dari na Kurukuruna Malala, pali i ranga ri made na gagane Iordan.”

Mateo 16:16

E Simon Petrus i koli, i ta maea, “Ioe e Kristo, a Tuna Vure Mahuri.”

Ioanes 6:69

Mi luhoi tora ioe, mi lohoka vomu, ioe kunana a Viri Malamala na Vure.”

Vinara 31:17

Na tahuna ri rata maea, bara i madihi a hategu ne ria. Bara pe ria a ngalahere ne ria, bara ri bole a vuranga. A maka maki hale ri kupo bara i ratapile ria. Bara i kupo a maka maki hale i bele ne ria. Muri bara ri ta maea, ‘A Vure i uka ma i made turane hita, i bele ne hita a maka maregoa nga.’

Vinara 5:26

E rei a viri i uka ma ge mate, na tahuna i longoa a Vure mahuri i ta tala na kanono, i manga a hini mi longoa balaka taku pali?

Vinara 7:1

E Moses i ta tabu i ta maea, “Na tahuna e BAKOVI DAGI a Vure ne hita, ge taparaki mua vona a malala mu gu bolea, bara i lili tala e huriki a tara ri made vona ngane. Na tahuna mu laho lokovonga na malala iea, bara i lili tala e huriki a tara dagi i polorua, a nigao ne ria i rangi a nigao ne mua. Re huriki a Hiti, a Girgas, a Amor, a Kenan, a Peres, a Hivi, a Iebus.

Vinara 7:21

Naha ni mangenge ne huriki a tara nga, a vuhuna e BAKOVI DAGI a Vure ne hita i made turane mua. I tahoka a nitora lobo, e huriki lobo ri gi mangenge vona.

1 Tesalonika 1:9

Ria kunana ri tuverei polo ne mateu na hini mu tagui kamumu mateu. Ri tuverei tabu ne mateu na hini mu ha taro pali a maka vure taminga, mu ramai a Vure muholi, ra Vure mahuri.

Hibru 10:31

A maki ni mangenge hateka vona, a Vure Mahuri ge lakavu ioe, ge vakamadihi ioe.

Iosua 11:3

I talo rike a ngava tabu lakea ne huriki a Kenan ri made tabukoi na naru e Iordan, ne huriki a tara ri made na maka tanga na lolo, re huriki a Amor, a Hiti, a Peres, a Iebus. I talo rike tabu a ngava lakea ne huriki a Hivi ra ri made tabukoi na lolo e Hermon na malala ne huriki a Mispa.

Iosua 12:8

Ri bole a maka tanga na lolo, a tanga na kupona na tabeke na nirolona haro, a maloku ne Iordan, a maka kupona tabukoi o Iordan, a tabeke i ngeki, a robo e Negev na tabeke mule puru. Hosi e huriki a Hiti, a Amor, a Kenan, a Peres, a Hivi, a Iebus ri made vona a malala iea. E huriki a Israel ri rangi e huriki a hariki na tanga nga:

Iosua 21:45

E BAKOVI DAGI i ta muholi ge rata a maki kamumu ne Israel, i ramai lobo a nita muholi vona.

Iosua 22:31

Lakea e Pinias e tune Eleasar a prister i taki maea ria “Ngane si lohoka vona e BAKOVI DAGI i made turane hita, a vuhuna i uka ma mu ngalahere vona. I mavonga mu korimule hita a Israel na rongova ne BAKOVI DAGI.”

Iosua 24:11

“‘Mu laho polo a naru e Iordan mu bele vona a tanga e Ieriko, lakea e huriki a bakovi o Ieriko ri vaubi ne mua. E huriki a Amor, a Peres, a Kenan, a Hiti, a Girgas, a Hivi, a Iebus, ri vaubi ne mua, pali iau a tuhori mua, mu rangi ria.

Iosua 3:9

E BAKOVI DAGI i ta lobo, lakea e Iosua i taki e huriki a Israel i ta maea, “Mu valai tabukoi, mu longoa a nitane BAKOVI DAGI a Vure ne mua.

Iosua 9:1

E huriki a hariki ri made na nirolona haro na naru e Iordan, e huriki a hariki na lolo, a tanga na kupona, a tanga na bila tabukoi na Dari na Kurukuruna Malala i harena na malala ne huriki a Lebanon, ria lobo ri longo a maka maki i rata e huriki a Israel. Re huriki a hariki nga, a hariki ne huriki a Hiti, a Amor, a Kenan, a Peres, a Hivi, a Iebus.