Iosua 24:7 - A Nitana Vure

⁷ Re huriki a gare ne mua ri mangenge, ri gale dagi hateka valai nau e BAKOVI DAGI, ga tuhori ria. Lakea a ratea a uvo i bele na kurukurune huriki a Egipto, a gare ne mua. A ratea a dari i rere tagu e huriki a Egipto. Mu lohoka vona a maka maki a rata virihi e huriki a Egipto vona. Muri mu made tabaka na tabeke i ngeki.

Iosua 24:7 Iomraidhean Croise

A Nimariu 14:10

Na tahuna e Parao turana a tara na vabinga vona ri valai tabukoi, e huriki a Israel ri matai ria, ri mangenge hateka, ri galea e BAKOVI DAGI ge tuhori ria.

A Nimariu 14:20

Na rodo malaku, a bubu i pesi mavonga na kurukuruna tara ne Israel, a tara ne Egipto. Ra bubu i ratea a tabeke i pesi vona e huriki a Egipto i uvo hateka, pali a tabeke i pesi vona e huriki a Israel i palala. Lakea e huriki a Egipto i uka ma ri lakea tabukoi ne huriki a Israel.

A Nimariu 14:31

Na tahuna e huriki a Israel ri masia a nitora dagi ne BAKOVI DAGI i rata virihi e huriki a Egipto vona, ri mangenge ne BAKOVI DAGI ri longototoa turana a vora vona e Moses.

Vinara 1:46

Lakea mu made na tanga e Kades na parava i kupo.”

Vinara 2:14

Muri na pida i ravulu tolu a polona i polotolu (38), na tahuna si pe e Kades-Barnea i valai i harena na tahuna si tulu poloa a naru e Sered, e huriki a bakovi na vabinga ri tababana ni mahuri vona a tahuna iea, ria lobo ngane ri mate pali. I ramaia a ngava e BAKOVI DAGI i taki.

Vinara 29:2

E Moses i gale palupu e huriki a Israel i taki maea ria, “Mu matai pali a maka maki e BAKOVI DAGI i rata virihi ne Parao, a hariki o Egipto, turana e huriki a bolekori vona, a robo vona.

Vinara 4:34

E BAKOVI DAGI a Vure ne hita i bole tala hita o Egipto, i taparaki valai hita koea, i rata hita, hita e huriki a tara vona. Na matane mua i rata a maka leho i kupo na nitora vona. I rata a maka gilanga dagi ri bele ne huriki a Egipto, i vaubi hateka ne ria. I rata a maka nivakasiri, i rata a maka maki dagi i rata ria ri mangenge hateka. I tahoka tabu tara vure i kara ni ratana a maka maki nga? I uka liu.

Hibru 3:17

Ri ratea a Vure, i madihi a hatena na pida i ravulu va. Ria kunana ri rata a naro hale, ri mate na tabeke i ngeki.

Iosua 5:6

E huriki a Israel ri laho viliha na tabeke i ngeki na pida i ravulu va. Na tahuna iea e huriki a bakovi ri kara ni vaubi na tahuna ri pea e Egipto ri mate lobo, a vuhuna ri longotaro a nitane BAKOVI DAGI. I muholi ngi, e BAKOVI DAGI i ta muholi ne huriki a gare, ge habia ne huriki a Israel a malala i vona a maki ni kani. Pali i taki ria tabu ne huriki ri longotaro a ngava, i uka ma ri gi masia a malala iea.