Iosua 24:32 - A Nitana Vure

³² Na tahuna e huriki a Israel ri pea e Egipto, ri kaloho a tuhane Iosep ri tanu o Sekem, na tabekena malala hosi e Iakop i konea na moni silva i ravulu mule ma murina balaka taku (100) ne huriki e tune Hamor re tamane Sekem. Ra malala iea ngane, a malala ne huriki a hamone Iosep.

Iosua 24:32 Iomraidhean Croise

A Vuhuna 33:19

Lakea i bole a kedo silva i 100, i kona ne tamane Sekem, na kabune Hamor, a malala i vakapesi a kape vona.

A Vuhuna 48:22

Ioe kunana, naha e huriki e turamu, ga habia vomu a robo a bolea ne huriki a Amor na tahuna a vaubi turane ria na bainat, na kiniperi nau.”

A Vuhuna 50:24

Muri e Iosep i taki e huriki e turana, i ta maea, “Iau a tabukoi ga mate. Pali a Vure ge matakari mua. Muri bara mu ha taroa a robo iea, mu sike lakea na robo a Vure i vakasiria, i ta muholi vona ge habia ne Abraham, e Isak, e Iakop.”

A Vuhuna 50:25

Muri e Iosep i taki e huriki e tune Israel bakovi ri gi kaba vona a nita muholi. A nita muholi i maea, “Na tahuna a Vure ge valai ge korimule mua, mu bole tala koea a maka tuhagu, mu kaloho sike turane mua.”

A Nimariu 13:19

E Moses i bole a tuhane Iosep i vano turana, a vuhuna hosi e Iosep i taki e huriki a Israel i ta maea, “Muholi hateka, muri ma na tahuna a Vure ge vakamariu tala mua o Egipto, mu bole a tuhagu mu vano turana.”

Ioanes 4:5

Na kuru haro ri bele na tanga tara o Samaria ni gale e Sikar, tabukoi na malala e Iakop i habia hosi ne tuna e Iosep.

Apostolo 7:15

Lakea e Iakop i puru o Egipto, i mate vonga. E huriki e tuna, re huriki a gare ne hita, ria ranga ri mate vonga.

Apostolo 7:16

Lakea a podane ria ni kaloho mule valai o Sekem, ni ru na babe na malala dagi e Abraham i konea ne huriki e tune Hamor.

Hibru 11:22

E Iosep i luhoi torea a Vure. Na tahuna i popote ge mate, i vakalongo muga ne huriki a Israel bara ri ha taroa e Egipto. I taki ria ri gi bole turane ria a tuhana, na tahuna ri vano.