Iosua 24:27 - A Nitana Vure

²⁷ Lakea e Iosua i taki e huriki i ta maea, “Na tahuna si masia a kedo iea, bara si luhoi mulea a ngava dagi si ratea. A kedo iea i longo pali a nita lobo e BAKOVI DAGI i taki. Bara i tabuli manga a kilakila ne vona ni bole mule a niluhoi ne mua, i uka ma mu gu longotaro a nitane BAKOVI DAGI ne hita.”

Iosua 24:27 Iomraidhean Croise

Ni Gi 11:20

Bara mu kani a kania na keva i taku, muri bara mu kide tala ni kani a kania bara mu ngaru ni muta. E BAKOVI DAGI i made na kurukurune mua, pali mu ngalahere mu deke lakea vona mu ta maea, “I navai mi pe a robo e Egipto mi valai?” ’”

Mateo 10:33

Pali e rei a viri i lavuni nau na matane huriki a bakovi, iau tara bara lavuni vona na matane Tata na hunu.

Lukas 19:40

Lakea e Isu i koli, i ta maea, “A taki mua, ria bara ri ngavarubu, a maka kedo bara ri gale tala.”

Vinara 30:19

“Mu lohoka vona i tahoka a dala ni mahuri, a dala na matenga. Na dala tara a Vure bara i rata kamumu mua, na dala tara bara mu bole a vuranga vona. Ngane mu vulaki e rei a dala mu gu ramaia. Ga gale a hunu a malala ru gu matai mua, ru gu lohoka vona e rei a dala mu vulakia. Pali iau a ngaru mua mu gu ramaia a dala ni made kamumu, lakea mua turane huriki e tune mua mu gu made tabaka.

Vinara 31:19

“Ngane a ngaru ni tovo ioe vona tara linge, o here purua. O tovo poloa ne huriki a Israel, muri ma ra nitana linge iea bara i taki tala ria.

Vinara 31:21

Muri a maka maki hale legelege bara i bele ne ria. Na tahuna hale iea, e huriki i uka ma ri gi longokaburungia a linge iea, bara ri kaloloa turane huriki e tune ria. Ra linge iea bara i vakapalala a niluhoi ne ria, i taki tala a naro hale ri rata. Iau i uka ma bole dili ria vona ma a malala iea, pali a lohoka vona pali a niluhoi ne ria.”

Vinara 31:26

Ri gi bolea a puhu i vona a vinara na Vure, ri gi ru tabukoia na Tava na Ngava Dagi, lakea ge takitala a naro hale ne ria.

Vinara 32:1

“Ioe a hunu, o longo valai ga ta. Ioe a malala, o talinga valai, o longoa a nita na ngavagu.

Vinara 4:26

Mu longo ngane a gale a hunu a malala, ru gu longoa a nita tora nau a ratea ne mua. Mua bara mu longotaro a nitana Vure, mu matadoko! A Vure bara i malaviriri kunana i bole vuroki mua na malala na tabeke lake ne Iordan, ra ta mu gu bolea ngane, bara mu lobo liu.

Titus 1:16

Re huriki nga ri taki ta ri lohoka na Vure. Pali a narone ria i vakasiri hita, i uka ma ri lohoka na Vure. I uka ma ri longototoa a Vure, i uka ma i kara ria ri gi ratea tara maki kamumu. Re huriki nga, a huluvonga.

Iosua 22:34

Lakea a kabu ne Reuben ne Gad ri vunua a dede-kedo iea e “Ta Kavakava,” a vuhuna ri ta maea, “A kilakila iea ne vona ni vakalongo hita lobo, e BAKOVI DAGI kikeri ia a Vure.”

Iosua 24:28

Muri e Iosua i tono e huriki ri vano, ri hamule lakea na malala takutaku ne ria.

Kapiloho 3:8

A lohoka na narone mua. Mu longo! A ru na ngalane mua a dua i mata ka. I uka tara viri ge tukaria. A lohoka ne mua, mu uka nitora. Pali mu longototo a nitagu, i uka ma mu lohopilea a ragu.