Iosua 24:25 - A Nitana Vure

²⁵ Na parava iea kunana na tanga e Sekem, e Iosua i ratea tara ngava dagi turane huriki, i habi a maka vinara ne ria, i taki ria ri gi ramai.

Iosua 24:25 Iomraidhean Croise

A Vuhuna 35:4

Lakea ri habi ne Iakop a maka vure taminga ne ria, turana a maka pato na talingane ria, i tanu ria na taruna kai a ok tabukoi o Sekem.

A Nimariu 15:25

Muri e Moses i vasileki ne BAKOVI DAGI, lakea e BAKOVI DAGI i vakasiria vona tara rahana kai. I bolea a rahana kai i voro puru na naru, i nami kamumu a naru. Na tanga iea e BAKOVI DAGI i habia ne huriki a Israel tara vinara ge toni ria vona ri gi ramaia o ge uka.

A Nimariu 24:3

E Moses i vano i vakalongo e huriki na maka vinara ne BAKOVI DAGI, lakea ri ta taku ri ta maea, “Mi gi ramai a ngava lobo e BAKOVI DAGI i taki.”

Vinara 29:1

A ngava nga e BAKOVI DAGI i taki e Moses vona ge vakalongo e huriki a Israel na robo e Moab. I hudoa a ngava dagi i ratea ne ria na lolo e Sinai.

Iosua 24:1

E Iosua i gale palupu e huriki a kabu lobo ne Israel ri vapopo na tanga e Sekem. Na tahuna ri bele vonga i gale e huriki a gare, a matakari, a mari ni pelekado a maregoa, a bolekori, ri valai ri pesi na matana Vure.

Iosua 24:26

E Iosua i here dili a nita nga na puhu i tabuli vona a maka vinara ne BAKOVI DAGI. Muri i bolea tara kedo i vakapesia na taruna a kai a ok, tabukoi na mailo ne BAKOVI DAGI.