Iosua 24:18 - A Nitana Vure

¹⁸ Na tahuna si laho valai, e BAKOVI DAGI i vakatubu ni lili tala e huriki a Amor ra ri made muga koea. I mavonga, mia ranga mi gi kavurikea e BAKOVI DAGI. Ia kikeri a Vure ne mia.”

Iosua 24:18 Iomraidhean Croise

A Nimariu 10:2

Muri ma bara o tuverei polo ne huriki e tumu, e tubumu, a maka nivakasiri a rata virihi e huriki a Egipto vona. Lakea mua lobo bara mu lohoka vona, iau kunana e BAKOVI DAGI.”

A Nimariu 15:2

E BAKOVI DAGI i vakatora mia, i rata mia mi kalolo. I korimule mia. Ia a Vure ne mia si gi kavurikea, ia a Vure ne tamane mia si gi kavurikea a rana.

A Nimariu 23:31

“A harena malala ne mua ge vakatubu na Dari Vururu na tabeke ne Akaba ge vano ge harena na Dari na Kurukuruna Malala. Na tabeke mule sike ge vakatubu na naru dagi e Iupretis ge harena na tabeke i ngeki tano. Ga habi a nitora ne mua, bara mu dili vona a malala iea mu ratapile e huriki ri made vona, mu lili tala ria.

Apostolo 7:45

Muri e huriki e tune ria ri bole vilia na tahuna e Iosua i muga ne ria, ri bole polo a malala ne huriki a kabu ranga. E huriki a kabu nga, a Vure i lili tala ria. Ri vakapesia koea a kape, i valai i harena na tahuna e Davit a hariki i matakari o Israel.

Vinara 10:21

Mu kavurikea a rana, ia kunana a Vure ne hita. Mua lobo mu matai a maka maki legelege i rata ge tuhori mua.

Vinara 33:27

A Vure i made vakaroro, i nugutata hita vakaroro na limana i uka ma i pe hita. Na tahuna mu vano mu bolea a malala ne mua, bara i lili tala e huriki a pile ne mua, i taki mua bara mu rabalaki lobo ria.

Iosua 23:9

“E BAKOVI DAGI i lili tala pali a maka kabu dagi ri gao hateka, i uka tara ne ria ge pesi tora ge gege mua.

Iosua 24:17

Ia kunana e BAKOVI DAGI a Vure ne mia, i bole mule mia turane huriki a gare ne mia na tahuna mi leho manga a vorakato o Egipto. Mi matai pali a maka nivakasiri dagi i rata. Na tahuna si laho polo vona a malala na kabu ranga, na tahuna si lakea na tabeke ranga e BAKOVI DAGI i matakari hita si laho kamumu.

Iosua 24:19

E Iosua i ratea ne ria a nita iea, “Pali iau a luhoi mua, i uka ma mu kara ni ramaia e BAKOVI DAGI. Re BAKOVI DAGI a narona i kamumu i malamala, i marikoi ne mua mu gu kavurike a vure ranga, bara mu rata mavonga i uka ma ge puga vuroki a nitagege, a naro hale ne mua.