Iosua 24:16 - A Nitana Vure

¹⁶ Lakea e huriki ri koli ri ta maea, “Mi koi hateka ni kavurike a vure ranga, mi gi kavurike kunanea e BAKOVI DAGI.

Iosua 24:16 Iomraidhean Croise

A Raukea e Paulus i Here Lakea ne Huriki a Rom 3:6

Nahea si gi ta maea! Ge mavonga, ge pelekado navai e huriki lobo na malala?

A Raukea e Paulus i Here Lakea ne Huriki a Rom 6:2

I uka liu. I manga si mate pali. I uka ma si gi rata tabu a naro hale.

Iosua 22:29

Mi vakapesia a dede-kedo iea i uka ma ne vona ni rata a nihabi gutu-vuro, a nihabi ni gutu a vit, a maka nihabi ranga. Mi marikoi hateka ni rata mavonga. Mia bara mi rata mavonga bara mi longotaro a nitane BAKOVI DAGI mi ngalahere vona. Mia i uka ma mi luhoi ni kuloi a dede ne BAKOVI DAGI, a Vure ne hita, ra dede iea i pesi na matana mailo vona.”

Iosua 24:15

Mua, i uka ma mu ngaru ni ramai e BAKOVI DAGI, mu luhoi kamumu. E rei ngane mu gu ramaia? Mu gu kavurike a maka vure ranga ne huriki a gare ne mua o Mesapotamia? O mu gu kavurike a maka vure ranga ne huriki a Amor, ra mu made na malala ne ria ngane? Pali iau, turana a kabu nau, mete ge ramaia mete ge kavurike kunanea e BAKOVI DAGI.”

Iosua 24:17

Ia kunana e BAKOVI DAGI a Vure ne mia, i bole mule mia turane huriki a gare ne mia na tahuna mi leho manga a vorakato o Egipto. Mi matai pali a maka nivakasiri dagi i rata. Na tahuna si laho polo vona a malala na kabu ranga, na tahuna si lakea na tabeke ranga e BAKOVI DAGI i matakari hita si laho kamumu.