Iosua 24:14 - A Nitana Vure

¹⁴ E Iosua i vakalongo lobo a nitane BAKOVI DAGI, i ta tabu i ta maea, “Ngane mu longo. Mu togoa e BAKOVI DAGI, mu ramaia mu rata vakaroro a leho vona na hatene mua. Mu lohopile vona a maka vure ranga e huriki a gare ne mua ri kavurike ria na tabeke ne Mesapotamia ne Egipto. Mu ramai kunanea e BAKOVI DAGI.

Iosua 24:14 Iomraidhean Croise

A Vuhuna 17:1

Na tahuna e Abram i tahoka a pida i 99, i bele vona e BAKOVI DAGI i takia, “Iau a Vure Tuhaka, o laho na matagu, o rata a naro malamala.

A Vuhuna 35:2

Lakea e Iakop i taki e huriki a kabu vona, i ranga e huriki ri turana, i ta maea, “Mu vuroki a maka vure taminga mu tahoka, mu kurudu pasi mua, mu rodo a varakia karaba.

E Levi 17:7

Pali nahea ri gi habi tabu a nihabi na meme taua. Na tahuna ri rata mavonga, ri manga a ngoi, ri mata here ne BAKOVI DAGI ri kavurike viliha a vure ranga. Ra maka vinara nga ge tabuli tora turane ria, e huriki a hamone ria bara ri ramai vakaroro muri ma.

Lukas 8:15

“A maka vutuna vit ri boru langa na malala kamumu ri manga e huriki a bakovi kamumu, a bakovi ni ta muholi. Ri longo a nitana Vure, ri ru na hatene ria, ri lohotata vona. Na tahuna ri lohotata na ngava, ri hatenono, bara ri vakabele a kanene ria i kupo.

Apostolo 9:31

Muri e huriki a tara ne Kristo na maka tabeke ne Iudea, ne Galili, ne Samaria ri made na nivalemu. Ri muri mai a vilone Bakovi Dagi, lakea a Hanu Kiripiripi i vakatora ria, i rata ria ri bele ala kupo hateka.

2 Korin 1:12

A vivi vona a hini a hategu i uka ma i hataki hale vona tara maki a ratea. A nimadegu, a Vure i rata iau a made malamala. A maki lobo a rata, i uka ma a tami e huriki. I uka ma a luhoi tora a lohokanga na bakovi. A luhoi torea a naro kamumu na Vure. A naro nga a rata na matane huriki na malala. A rata hateka na matane mua.

Epesus 6:24

A Vure ge rata kamumu vakaroro e huriki lobo ri ngarua a Bakovi Dagi ne hita, e Isu Kristo.

Vinara 10:12

E Moses i vara tabu i ta maea, “Mua o huriki a Israel mu longo, a ra maki e BAKOVI DAGI, a Vure ne hita, i taki mua mu gu rata? Mu togoa e BAKOVI DAGI a Vure ne mua, mu laho na dalana, mu ngarua, mu ramai lobo a nitana na hatene mua, na niluhoi ne mua.

Vinara 18:13

A niluhoi ne mua ge lakea kunana ne BAKOVI DAGI a Vure ne mua.

Vinara 6:13

“Mu togoa e BAKOVI DAGI a Vure ne hita. Mu kavurike ia kunana, mu rata a nita muholi ne mua na rana kunana.

Pilipai 1:10

Muri bara mu ngaru kunana a maki kamumu hateka, bara mu malamala, mu uka tabu a ngava na parava e Kristo ge hamule valai.

Iosua 24:2

Lakea e Iosua i taki e huriki i ta maea, “E BAKOVI DAGI a Vure ne hita a Israel i ta maea, ‘Hosi hateka e huriki a gare ne mua ri made na tabeke mule lokovonga na naru e Iupretis, ri kavurike a maka vure ranga. E Tera e tamane Abraham, turane Nahor ru made vonga ru kavurike a vure ranga.

Iosua 24:23

E Iosua i ta tabu i ta maea, “I kamumu a ngava mu ratea. Ngane mu vuroki tala a maka vure na kabu ranga ri tabuli turane mua. Mu pulo a narone mua, mu lakea tabukoi ne BAKOVI DAGI a Vure ne hita a Israel.”