Iosua 23:8 - A Nitana Vure

⁸ Mu madoko turane BAKOVI DAGI a Vure ne mua, mu ramaia, i manga a hini mu rata i valai i harena mona.

Iosua 23:8 Iomraidhean Croise

Apostolo 11:23

Na tahuna i bele, i vivi, a vuhuna i matai a Vure i rata kamumu ria. I vara ria ri gi habi a hatene ria ni ramai e Bakovi Dagi, ri gi pesi tora.

Vinara 10:20

Mu togoa e BAKOVI DAGI a Vure ne hita, mu kavurike ia kunana. Mu nugutata tora ia, mu kaba na rana kunana.

Vinara 11:22

“Mu ramai kamumu a ngava lobo a taki mua vona pali. Mu ngaru hatekea e BAKOVI DAGI a Vure ne hita, mu ramai loboa a maka ngava vona, mu tangotata tora vona.

Vinara 13:4

Mu togoa e BAKOVI DAGI, mu ramai ia kunana. Mu longototoa a ngavana, mu ramai a maka vinara vona, mu leho vona, mu pesi tora ni ramaia.

Vinara 13:5

Pali mu rabalaki e huriki a propet turane huriki ri tuveve polo a vurena viri, na tahuna ri taki mua mu gu longotaro a nitane BAKOVI DAGI a Vure, ra i bole tala mua o Egipto na tahuna mua a vorakato. Re huriki a bakovi maea ria a bakovi hale, ri ngaru ni turari tala mua na dala e BAKOVI DAGI i ngaru mua mu gu ramaia. Mu rabalaki e huriki a bakovi hale maea na mailo ne mua.

Vinara 4:4

Pali mua e huriki mu pesi tora ni ramai e BAKOVI DAGI a Vure ne hita, mu tababana ni mahuri.

Vinara 8:20

I manga e huriki na maka tanga ranga i ratapile na matane mua na tahuna mu vaubi ne ria. Pali mua i uka ma mu gu ramaia a nitane BAKOVI DAGI a Vure ne mua, mua ranga bara mu mate manga ria.

Iosua 22:5

Mu mata kamumu mu ramai a nivakuku, a vinara ne Moses a vora ne BAKOVI DAGI i habi ne mua. Mu ngarua e BAKOVI DAGI, a Vure ne mua. Mu ramai a naro lobo vona, mu longototo a vinara vona, mu pesi tora turana, mu rata a leho vona na hatene mua, na nitora lobo ne mua.”

Iosua 23:7

Naha ni laho turana e huriki a bakovi a ngatavine o Kenan, ra ri tababana ni made turane mua, naha ni gale a rana a maka vure ne ria. Na tahuna mu kaba, naha ni kaba vona a maka rana vure ne ria. Naha ni turume mu gu kavurike ria.

Iosua 23:9

“E BAKOVI DAGI i lili tala pali a maka kabu dagi ri gao hateka, i uka tara ne ria ge pesi tora ge gege mua.