Iosua 23:11 - A Nitana Vure

¹¹ “Ngane mu matadoko vona a narone mua. Mu ngaru hateka e BAKOVI DAGI a Vure ne hita.

Iosua 23:11 Iomraidhean Croise

A Nimariu 20:6

E huriki ri ngaru iau, ri gi ramai a maka vinara nau, bara ngaru vakaroro ria, a ngaru a hamone ria i ravulu rangale (1,000).

Lukas 21:34

“Mu matadoko, nahea mu gu luhoi lege­lege na nimade koea na malala. Nahea mu gu ninu mu gu manga manga, mu gu rata a maka naro hale, ma ge vaka­pae mua a maka rabu nga. Bara mu turutu na tahuna a parava iea i bele vakaturutu, i lakavu mua i manga a hoa i lakavua a kadirovo.

A Raukea e Paulus i Here Lakea ne Huriki a Rom 8:28

Si lohoka vona, a Vure i rata a maki lobo ri leho palupu, ge rata kamumu e huriki ri ngaru hateka ia, re huriki a Vure i gale ria, ri gi ratea a leho vona.

1 Korin 16:22

E rei a viri i uka ma i ngarua e Bakovi Dagi, a Vure ge rudurahea. O valai, Bakovi Dagi ne mia!

1 Korin 8:3

Pali e rei a viri i ngarua a Vure, a Vure i matakilalea a bakovi iea.

Epesus 5:15

I mavonga mu matadoko. Naha ni laho manga e huriki a manga. Mu laho manga e huriki ri tahoka a lohokanga.

Vinara 30:16

Mona a taki tora mua mu ngaru hatekea e BAKOVI DAGI a Vure ne mua, mu ramai a maka nitana, mu rata a maka naro i ngaru. Muri bara i rata kamumu mua mu bele kupo, mu made tabaka vona a malala bara mu dili mu bolea ngane.

Vinara 30:20

I maea bara mu ngaru hatekea e BAKOVI DAGI a Vure ne mua, mu longototo a nitana na hatene mua vakaroro. Bara mu rata mavonga, e huriki a hamone mua bara ri made tabaka vona a robo e BAKOVI DAGI i ta muholi vona ge habia ne huriki a gare ne mua hosi e Abraham, e Isak, e Iakop.”

Vinara 4:15

“Na tahuna e BAKOVI DAGI i made na kanono na lolo e Sinai i ta lakea ne mua, i uka ma mu masia tara maki ge a kilakilana, mu longo kunanea a lohona. Ngane mu matadoko kamumu,

Vinara 4:9

“Mu matadoko kamumu. Na tahuna mu made na malala iea, naha ni longokaburungi a maka maki mu matai pali. Mu vakalongo e huriki e tune mua, e tubune mua

Hibru 12:15

Nahea tara viri ne mua ge boru, ge ha taroa a naro kamumu na Vure. A viri i rata mavonga, ma ge bole dili a naro hale, ge bele a maregoa, lakea e huriki ala kupo bara ri katoki na matana Vure.

Iosua 22:5

Mu mata kamumu mu ramai a nivakuku, a vinara ne Moses a vora ne BAKOVI DAGI i habi ne mua. Mu ngarua e BAKOVI DAGI, a Vure ne mua. Mu ramai a naro lobo vona, mu longototo a vinara vona, mu pesi tora turana, mu rata a leho vona na hatene mua, na nitora lobo ne mua.”

Iosua 23:10

A bakovi tara ne mua i kara ni vakamangenge a bakovi i ala rangale (1,000) ne ria, bara ri ha, a vuhuna e BAKOVI DAGI a Vure ne hita i tuhori mua na vabinga i vaubi polo ne mua, i manga a hini i ta muholi vona hosi ge rata.

Iosua 23:12

Pali mua bara mu ngalahere ne BAKOVI DAGI, mu madoko turane huriki a bakovi a ngatavine ri made muga koea ri tababana turane mua, mu parangi ne ria,