Iosua 23:10 - A Nitana Vure

¹⁰ A bakovi tara ne mua i kara ni vakamangenge a bakovi i ala rangale (1,000) ne ria, bara ri ha, a vuhuna e BAKOVI DAGI a Vure ne hita i tuhori mua na vabinga i vaubi polo ne mua, i manga a hini i ta muholi vona hosi ge rata.

Iosua 23:10 Iomraidhean Croise

A Nimariu 14:14

E BAKOVI DAGI bara i vaubi ni tuhori mua. Pali mua i uka ma mu gu ratea tara maki, bara mu matanono kunana.”

E Levi 26:7

Na tahuna mu vaubi turane huriki a pile, bara mu valili ne ria, mu ratapile ria.

E Levi 26:8

A bakovi i ala lima ne mua bara ri valili na pile ala ravulu mule ma murina balaka taku (100). A bakovi i ala ravulu mule ma murina balaka taku (100) ne mua bara ri valili na pile ala ravulu rangale (10,000), ri ratapile ria.

A Raukea e Paulus i Here Lakea ne Huriki a Rom 8:31

Si lohoka vona, a Vure i pesi turane hita. I mavonga, e rei ge gege hita?

Vinara 20:3

‘O huriki a bakovi o Israel, mu longo kamumu. Ngane bara mu vaubi. Naha ni mangenge ne huriki a pile, nahea ge malulu a limane mua, nahea ge vakulu a tagane mua.

Vinara 20:4

A Vure ne mua bara i turane mua, i tuhori mua mu mulangi na vabinga.’

Vinara 28:7

“E BAKOVI DAGI bara i tuhori mua i ratapile e huriki a pile, i rata ria ri ha vapida na maka dala i kupo.

Vinara 3:22

Naha ni mangenge ne ria, e BAKOVI DAGI a Vure ne hita, ia kunana bara i tuhori mua, i vaubi polo ne mua.’

Vinara 32:20

Lakea i ta maea, ‘Re huriki nga ri tagege ri longotaro a nitagu. A maka maregoa ge bele ne ria, i uka ma ga tuhori ria.

Vinara 32:30

I navai a pile i ala taku kunana ge rangi e huriki a Israel ri ala 1,000? I navai a pile i ala rua kunana ru rangi e huriki ri ala 10,000? A vuhuna e BAKOVI DAGI a Vure Tuhaka ne ria i marikoi, i ngalahere ne ria pali.

Iosua 10:42

Na tahuna iea kunana, e BAKOVI DAGI a Vure ne huriki a Israel, i tuhoria e Iosua na vabinga, i rangi lobo e huriki a hariki nga, i bole a maka malala ne ria.

Iosua 23:11

“Ngane mu matadoko vona a narone mua. Mu ngaru hateka e BAKOVI DAGI a Vure ne hita.

Iosua 23:3

Mu matai pali a maki e BAKOVI DAGI, a Vure ne mua i rata virihi na maka tanga ranga, i tuhori mua na vabinga i vaubi polo ne mua.