Iosua 23:1 - A Nitana Vure

¹ Na maka pida ri polo pali, e BAKOVI DAGI i habi a nimade na nivalemu ne huriki a Israel, i uka ma ri vaubi ne huriki a pile ri made viliha vonga. Ngane e Iosua i gare.

Iosua 23:1 Iomraidhean Croise

A Vuhuna 25:8

i gare liu, i matai a maka pida i kamumu i kupo. Muri i taravango dilia a nilobona bangona, i mate. Ni bole, i made turana e huriki a viri vona ri mate pali.

Vinara 31:2

“Iau a tahoka a pida i 120 i uka ma kara ni matakari mua tabu. E BAKOVI DAGI tara i taki iau, nahea ga tulu poloa a naru e Iordan.

Iosua 11:23

E Iosua i bole loboa a malala iea, i manga a ngava e BAKOVI DAGI i taki e Moses vona. E Iosua i habia ne huriki a Israel ga robo ne ria liu. I ru a nagi na malala iea, i veru tala takutaku na kabu ne Israel. Muri i uka tabu a vabinga vona a malala iea.

Iosua 13:1

Na tahuna e Iosua i kupo a pida vona i gare, e BAKOVI DAGI i takia, “Ioe o gare ngane. Pali i kupo a malala i uka ma o bole ma.

Iosua 21:44

E BAKOVI DAGI i habi a nivalemu ne ria, i manga a ngava i ta muholi vona ne huriki a gare ne ria. I tuhori ria i ratapile e huriki a pile, i uka tara pile ge rangi ria.

Iosua 22:4

Ngane, e BAKOVI DAGI a Vure ne hita i habi a nivalemu ne huriki a turane mua, i manga hosi i ta muholi ne ria. I mavonga mu hamule mai a tanga ne mua, na tabeke ne Iordan, hosi e Moses a vora ne BAKOVI DAGI i habi ne mua.