Iosua 22:9 - A Nitana Vure

⁹ Lakea e huriki a bakovi na kabu ne Reuben, ne Gad, a kalavana kabu ne Manase ri laho hamule mai a tanga ne ria. Ri pe mule e huriki a Israel ranga na tanga e Silo o Kenan, ri hamule lakea na tabeke ne Gilead, na malala ne ria. Ri bolea a malala iea, i manga a ngava e BAKOVI DAGI i taki e Moses vona.

Iosua 22:9 Iomraidhean Croise

Ni Gi 32:1

A kabu ne Reuben ne Gad ri tahoka a maka bulmakau i kupo hateka. Ri matai a malala na tabeke ne Iaser, e Gilead i tahoka a maka varili kamumu ge kani a maka bulmakau.

Ni Gi 32:20

Lakea e Moses i koli ria i ta maea, “Mua bara mu ta muholi, bara mu kisi puru na vabinga e huriki a nugumaheto ne mua, na matane BAKOVI DAGI.

Ni Gi 32:22

Mua bara mu rata lobo a maki nga, muri, na tahuna a malala lobo i tabuli na limane hita na matane BAKOVI DAGI, bara mu hamule valai na tanga ne mua, a leho ne mua bara i lobo na matane BAKOVI DAGI, na matane huriki a Israel. Lakea a malala koea bara a malala ne mua na matane BAKOVI DAGI.

Ni Gi 32:26

E huriki a ngatavine a koma, a maka bulmakau a sipsip, ri gi made na maka tanga na tabeke e Gilead.

Ni Gi 32:29

i ta maea, “E huriki a Gad, a Reuben ri gi kisi mule ria na vabinga, ri gi tulu poloa a naru e Iordan turane mua na matane BAKOVI DAGI, lakea mu bole a malala e Kenan, ngane mu habi ne huriki a Gad, e huriki a Reuben a malala na tabeke ne Gilead, ga malala ne ria.

Vinara 3:18

“Na tahuna iea, a vakuku mua a ta maea, ‘E BAKOVI DAGI a Vure ne hita, i habia ne mua pali a malala iea i tabuli na nirikena haro na naru e Iordan, mu gu made vona. Ngane e huriki a bakovi ne mua ri gi bole a maki na vabinga, ri gi tulu poloa a naru e Iordan, ri gi tuhori e huriki a Israel ri gi bolea a malala iea.

Vinara 3:20

Mu tuhori e huriki a turane mua, ge harena na tahuna ri bolea a malala e BAKOVI DAGI a Vure ne hita ge habi ne ria, na tabeke na nirolona haro na naru e Iordan. Mu made turane ria, ge harena na tahuna e BAKOVI DAGI ge vakamade ria kamumu na malala iea, i manga a hini i rata ne mua. Muri mu hamule mai a robo a habi ne mua pali.’

Vinara 34:1

E Moses i pea a bila ne Moab i sike na lolo e Nebo, na mapane Pisga na tabeke na nirikena haro na tanga e Ieriko. E Moses i pesi vona a hini nga, lakea e BAKOVI DAGI i vakasiri loboa vona a malala ge habia ne huriki a Israel. E BAKOVI DAGI i vakasiria vona a tabekena malala ne huriki a Gilead, i lakea i harena na tanga e Dan na tabeke mule sike.

Iosua 13:11

Ri bole tabua a malala ne huriki a Gilead, a tabeke ne huriki a Gesur a Makat, a tabeke na lolo e Hermon, a tabeke na robo e Basan i harena na tanga e Saleka,

Iosua 13:25

I habia ne ria a maka tanga na robo e Iaser turana a maka tanga na robo e Gilead, a malala ne huriki a Amon i harena na tanga e Aroer pololilo na malala ne huriki a Amor, tabukoi na tanga e Raba na tabeke na nirikena haro.

Iosua 13:31

Ra malala iea i dili turana a tabeke na robo e Gilead, e Astarot, e Edrei ra tanga i made vona a hariki e Og. E Moses i habia a malala iea na kalavana kabu ne Makir, e tune Manase.

Iosua 22:10

Re huriki nga, i uka ma ri pe mulea ma a malala e Kenan, ri vano ri bele na malala tabukoi na dahana naru e Iordan, ri vakapesia vonga a dede-kedo dagi tabukoi na naru.