Iosua 22:5 - A Nitana Vure

⁵ Mu mata kamumu mu ramai a nivakuku, a vinara ne Moses a vora ne BAKOVI DAGI i habi ne mua. Mu ngarua e BAKOVI DAGI, a Vure ne mua. Mu ramai a naro lobo vona, mu longototo a vinara vona, mu pesi tora turana, mu rata a leho vona na hatene mua, na nitora lobo ne mua.”

Iosua 22:5 Iomraidhean Croise

A Nimariu 15:26

I taki ria, “Mu longo kamumu a nitagu. Iau e BAKOVI DAGI a Vure ne mua. A vakamahuri mua na gilanga. Mu longototo iau, mu rata a naro ge kamumu, mu ramai a maka vinara, a nitovo nau, i uka ma ga ratapile mua na maka gilanga, i manga a hini a rata ne huriki a Egipto.”

A Nimariu 20:6

E huriki ri ngaru iau, ri gi ramai a maka vinara nau, bara ngaru vakaroro ria, a ngaru a hamone ria i ravulu rangale (1,000).

A Nimariu 23:13

“Mu longo kamumu mu ramai a maka ngava a habi ne mua. Naha ni vasileki na maka vure ranga, naha ni gale a rane ria.

A Nimariu 23:25

Mu kavurike iau kunana, e BAKOVI DAGI a Vure ne mua. Mu rata mavonga bara rata kamumu mua, a vakani, a vakaninu, a vakatavaga mua na gilanga.

Mateo 22:37

E Isu i koli, i ta maea, “O ngarua e Bakovi Dagi a Vure vomu na hatemu lobo, na hanumu lobo, na niluhoi vomu lobo.

Mateo 4:10

Lakea e Isu i takia, “Satan, o ha nau! A ngava ni here puru na Hinere i maea, ‘O kavurikea e Bakovi Dagi, a Vure vomu, o ramai kunana ia.’”

Mateo 6:24

“I uka tara viri ge vora na bakovi ala rua, a vuhuna bara i koi vona tara, i ngarua tara. Bara i habi a hatena na bakovi tara, i biu a bakovi tara. I uka tara viri ge vora varago na Vure, a moni.

Lukas 1:74

ge korimule hita na limane huriki a pile. Muri bara si made na nivalemu, si ratea a leho vona

Ioanes 12:26

E huriki ri ngaru ge ria a vora nau, ri gi muri nau. Lakea bara ri made turagu na hini ga made vona. E Tata bara i kavurike e huriki ri rata a leho nau.”

Ioanes 14:15

Mua bara mu ngaru iau, bara mu muri mai a ngavagu.

Apostolo 11:23

Na tahuna i bele, i vivi, a vuhuna i matai a Vure i rata kamumu ria. I vara ria ri gi habi a hatene ria ni ramai e Bakovi Dagi, ri gi pesi tora.

Apostolo 27:23

Baroko na rodo a agelo na Vure i bele nau, ra Vure a kavurikea, iau a viri vona.

A Raukea e Paulus i Here Lakea ne Huriki a Rom 1:9

Iau a luhoi vakaroro mua, a vasileki. A Vure i lohoka vona a ta muholi, ra Vure, a viri a habi a hategu ni vora vona, a vakalongo e huriki na Velenga Kamumu ne Tuna.

A Raukea e Paulus i Here Lakea ne Huriki a Rom 12:9

Mu ngaru e huriki, naha ni tamilalu ni ngaru ria. Mu marikoi a naro hale. Mu rata vakaroro a naro kamumu.

A Raukea e Paulus i Here Lakea ne Huriki a Rom 8:28

Si lohoka vona, a Vure i rata a maki lobo ri leho palupu, ge rata kamumu e huriki ri ngaru hateka ia, re huriki a Vure i gale ria, ri gi ratea a leho vona.

Vinara 10:20

Mu togoa e BAKOVI DAGI a Vure ne hita, mu kavurike ia kunana. Mu nugutata tora ia, mu kaba na rana kunana.

Vinara 11:1

E Moses i ta tabu i ta maea, “Mu ngaru hatekea e BAKOVI DAGI a Vure ne hita, mu ramai vakaroroa a vinara vona.

Vinara 11:13

“I mavonga mu ramai lobo a vinara a habi ne mua mona: mu ngaru hatekea e BAKOVI DAGI a Vure ne hita, mu habi a hatene mua, a niluhoi ne mua, mu rata a leho vona.

Vinara 11:22

“Mu ramai kamumu a ngava lobo a taki mua vona pali. Mu ngaru hatekea e BAKOVI DAGI a Vure ne hita, mu ramai loboa a maka ngava vona, mu tangotata tora vona.

Vinara 13:4

Mu togoa e BAKOVI DAGI, mu ramai ia kunana. Mu longototoa a ngavana, mu ramai a maka vinara vona, mu leho vona, mu pesi tora ni ramaia.

Vinara 4:29

Na tahuna iea bara mu kilu, mu ngaru ni hamule valai ne BAKOVI DAGI a Vure ne hita. A ningaru ne mua, a niluhoi ne mua, bara i tora hateka ni matakanea, muri bara mu valai tabukoi vona.

Vinara 4:4

Pali mua e huriki mu pesi tora ni ramai e BAKOVI DAGI a Vure ne hita, mu tababana ni mahuri.

Vinara 4:6

Mu ramai muholi a maka vinara nga, lakea e huriki na kabu ranga bara ri lohoka vona mua mu tahoka a niluhoi kamumu, mu tahoka a maka lohokanga dagi. Na tahuna ri longoa a maka vinara nga bara ri ta maea, ‘Re huriki a bakovi a ngatavine nga, ri tahoka a niluhoi kamumu, ri rangi hita.’

Vinara 4:9

“Mu matadoko kamumu. Na tahuna mu made na malala iea, naha ni longokaburungi a maka maki mu matai pali. Mu vakalongo e huriki e tune mua, e tubune mua

Vinara 5:10

Pali e huriki a bakovi a ngatavine ri ngaru hateka iau, ri ramai a vinara nau, bara ngaru hateka e huriki a hamone ria, ri ala rangale (1,000) ri gi bele muri ma.

Vinara 6:17

A tuhane mua nahea ge malulu, mu ramai muholi a maka vinara i habi ne mua turana a ngava lobo i habi.

Hibru 12:15

Nahea tara viri ne mua ge boru, ge ha taroa a naro kamumu na Vure. A viri i rata mavonga, ma ge bole dili a naro hale, ge bele a maregoa, lakea e huriki ala kupo bara ri katoki na matana Vure.

Iakop 1:12

A viri i pesi tora na tahuna a nitoni i bele ge vivi, a vuhuna a Vure bara i habi a mapana, ge bole a nimahuri vaka­roro, i manga a viri i mulangi na rihiva i bole a tama. A Vure i taki muga pali ge habi a mapa ne huriki ri ngarua a Vure.

Iakop 2:5

Mua e huriki a turagu, a ngaru hateka mua, mu longo kamumu. A Vure i vulaki e huriki a matasia na malala ri gi luhoi torea, ri gi tahoka a mahala meli na hunu, ri gi dili na harikianga vona, i manga a hini hosi i ta muholi vona, e huriki ri ngaru hatekea ri gi bole.

Iosua 23:8

Mu madoko turane BAKOVI DAGI a Vure ne mua, mu ramaia, i manga a hini mu rata i valai i harena mona.

Kapiloho 15:3

Ri kalolo a linge ne Moses, a vora na Vure, a linge na Tuna Sipsip. Ri kalolo maea, “O Bakovi Dagi, a Vure tuhaka hateka! E huriki ri turutu na maka maki o rata, ri dagi hateka! Hariki ne huriki lobo na malala, A naromu i muholi, i malamala!