Iosua 22:27 - A Nitana Vure

²⁷ Mi vakapesia ge a kilakila na kabu ne mia, ne vona ni vakasiri e huriki a hamone hita muri ma, mia ranga mi kavurikea e BAKOVI DAGI na mailo vona. Mia ranga mi rata a nihabi gutu-vuro, a nihabi na nivalemu, a maka nihabi ranga. “Ma ge muri ma e huriki a hamone mua ri gi biu e huriki a hamone mia, ri gi ta maea, ‘Mua, i uka ma mua a tara ne BAKOVI DAGI.’

Iosua 22:27 Iomraidhean Croise

A Vuhuna 31:48

E Leban i ta maea, “Ra kupona kedo iea, ne vona ni vakasiri a ngava tu ratea mona.” Pali ni gale liu a tabeke iea e Galid.

A Vuhuna 31:52

A kupona kedo turana a kedo dagi a toto pesia ne vona ni vakasiri a ngava dagi tu ratea. Iau i uka ma ga polotaro ga lakene, ga vaubi turamu. Pali ioe tara, i uka ma go polotaro go valai, go vaubi turagu.

Vinara 12:11

Na mailo vona na tanga iea mu bole valai a maka maki a taki mua vona pali, ra nihabi gutu-vuro, a maka nihabi ranga, a naguna i taku na maka naguna maki i ravulu, a maki ranga mu ngaru ni habi ne BAKOVI DAGI, a maka nihabi kamumu ne vona ni ta muholi vona ne BAKOVI DAGI.

Iosua 22:10

Re huriki nga, i uka ma ri pe mulea ma a malala e Kenan, ri vano ri bele na malala tabukoi na dahana naru e Iordan, ri vakapesia vonga a dede-kedo dagi tabukoi na naru.

Iosua 22:26

“I mavonga mi vakapesia a dede-kedo iea, i uka ma ne vona ni rata a maka nihabi legelege.

Iosua 22:28

Mi luhoi maea, ma mu gu ratea ne mia a nita iea o mu gu ratea ne huriki a hamone mia, bara mi ta maea, ‘Mu masia, a dede-kedo iea e huriki a gare ne mia ri ratea i manga kunana a dede ne BAKOVI DAGI. Pali i uka ma a dede-kedo ne vona ni rata a nihabi ni gutu-vuro, ni rata a maka nihabi ranga. A kilakila kunana ne huriki a tara ne mia a tara ne mua.’

Iosua 22:34

Lakea a kabu ne Reuben ne Gad ri vunua a dede-kedo iea e “Ta Kavakava,” a vuhuna ri ta maea, “A kilakila iea ne vona ni vakalongo hita lobo, e BAKOVI DAGI kikeri ia a Vure.”

Iosua 24:27

Lakea e Iosua i taki e huriki i ta maea, “Na tahuna si masia a kedo iea, bara si luhoi mulea a ngava dagi si ratea. A kedo iea i longo pali a nita lobo e BAKOVI DAGI i taki. Bara i tabuli manga a kilakila ne vona ni bole mule a niluhoi ne mua, i uka ma mu gu longotaro a nitane BAKOVI DAGI ne hita.”