Iosua 22:22 - A Nitana Vure

²² “E BAKOVI DAGI i tahoka a nitora dagi, ia kikeri ia e BAKOVI DAGI. I lohoka vona i navai si ratea a maki iea. Mua ranga mi ngaru mu gu lohoka vona. Mia bara mi longotaro a nitane BAKOVI DAGI, i uka ma mi ramai a vinara vona, mu rabalaki mia.

Iosua 22:22 Iomraidhean Croise

A Nimariu 18:11

Ngane a lohoka vona e BAKOVI DAGI i rangi a vure lobo, a vuhuna i matakari mua na tahuna e huriki a Egipto ri vakavora hateka mua.”

Ioanes 21:17

I balaka tolu ngane e Isu i nanea, “Simon tune Ioanes, ioe o ngaru iau?” Lakea e Petrus i kide tala, a vuhuna e Isu i nana balaka tolu, “Ioe o ngaru iau? Lakea e Petrus i takia e Isu, i ta maea, “Bakovi Dagi, o lohoka vona a maki lobo, o lohoka nau a ngaru ioe.” Lakea e Isu i takia, “O vakani a maka sipsip nau.”

Apostolo 1:24

Muri ri vasileki, “Bakovi Dagi, o lohoka vona a hatene huriki lobo. O vakasiri mia vona e rei ne rua o ngarua,

Apostolo 25:11

Iau bara longotaro a vinara, a ratea tara naro i hale hateka, bara mate vona, i uka ma ga ha vona. Pali ra ngava ni padi virihi iau vona, bara a ngava taminga, i uka tara viri ge habi iau na limane ria. Iau a ngarua e Kaiser ge longoa a ngavagu.”

2 Korin 11:11

I navai a rata mavonga? A rata mavonga a vuhuna a ngaru hateka mua. A Vure i lohoka vona iau a ngaru hateka mua.

2 Korin 11:31

A Vure, e Tamane Bakovi Dagi ne hita, e Isu, ra ni gi kavurike ia vakaroro, i lohoka nau, i uka ma a tami mua.

2 Korin 5:11

I mavonga, a ta tora hateka vakaroro ne huriki ranga ri gi luhoi torea e Kristo, a vuhuna a mangenge ne Bakovi Dagi. A Vure i lohoka vona, iau a bakovi navai. A luhoi mua ranga mu lohoka nau na hatene mua.

Vinara 10:17

a vuhuna e BAKOVI DAGI a Vure ne hita i rangi a maka vure ranga, a maka maki ri tahoka a nitora ne ria. I dagi hateka, i gao hateka, a maka maki lobo ri gi mangenge vona, ri gi togoa. I uka ma i ngaru a viri i ta rularula ge vokoa na ngava.

1 Timoti 6:16

Ia kikeri i uka ma ge mate. Bara i mahuri vakaroro. I made na nipara. A nipara iea i para hateka, i uka tara viri ge lokovonga tabukoi vona. I uka tara viri ge masia ma a Vure. I uka tara viri ge kara ni masia. Si gi togo vakaroroa. A nitora, ne vona kunana vakaroro. I muholi.

Hibru 4:13

I uka tara viri ge kapiloho na Vure. A maki lobo si rata, a maki lobo si luhoi, a Vure i lohoka vona. Muri ma hita lobo bara si pesi na matana, ge nana hita vona a naro lobo si rata.

Iosua 22:21

Lakea a kabu ne Reuben, ne Gad, a kalavana kabu ne Manase ri koli e huriki a matakari na kabu ne Israel, ri ta maea,

Kapiloho 19:16

Ni here na varakia, na lebona a rana tara, ra i maea, ‘A Hariki ne huriki a hariki, a Bakovi Dagi ne huriki a bakovi dagi.’

Kapiloho 2:23

Ga rabalaki e huriki e tuna. Na naro iea, e huriki a tara na Vure lobo ri gi lohoka vona, iau a viri a lohoka na niluhoi, na ningaru ne huriki lobo. Ga habi a mapane mua, i muri mai a narone mua.