Iosua 22:20 - A Nitana Vure

²⁰ Naha ni longokaburungi a narone Akan, e tune Sera. E BAKOVI DAGI i ta kari vona a maka maki na tanga e Ieriko, pali e Akan i longotaro a nitana, i bole a maka maki, muri e huriki a Israel ri bole a maregoa na naro hale vona. A naro hale ne Akan, i uka ma i madoko vona kikeri. A naro hale vona i madoko ne huriki lobo ri bole a vuranga vona.’”

Iosua 22:20 Iomraidhean Croise

E Levi 10:6

Ngane e Moses i habi a ngava tabu ne Aron turana e tuna ala rua, e Eleasar, e Itamar. I taki tou i ta maea, “Nahea ge patoka a vune matou, naha ni rape a varakia matou, ma ga moto rata mavonga bara moto mate, a rongova ne BAKOVI DAGI bara i bele ne huriki. Pali e huriki a viri ne mua a Israel, ria ri gi kalo vona ra bakovi nga e BAKOVI DAGI i rabalaki rua na kanono.

1 Korin 10:6

A maki nga ri bele, ge a nivakasiri ne hita, i uka ma si gi ngaru a naro hale manga ria.

Iosua 22:21

Lakea a kabu ne Reuben, ne Gad, a kalavana kabu ne Manase ri koli e huriki a matakari na kabu ne Israel, ri ta maea,

Iosua 7:1

Muga e BAKOVI DAGI i taki e huriki a Israel nahea ri gi bole ranga maki. A maki lobo ge nono. Pali e Akan i longotaroa a ngava iea, i panaho ranga maki. Lakea e BAKOVI DAGI i madihi a hatena ne huriki a Israel. E Akan e tune Karmi, e Karmi e tune Sapdi, e Sapdi e tune Sera na kabu ne Iuda.

Iosua 7:18

Muri e Iosua i vakapesi na tete e huriki a bakovi na kabu e Sapdi i gale talea e Akan. E Akan e tune Karmi, e tubune Sapdi, a hamone Sera, a kabu ne Iuda.

Iosua 7:24

E Iosua turana e huriki a Israel ri bolea e Akan turana a maka silva, a varakia, a tabekena gol, e huriki e tuna bakovi e tuna ngatavine, a maka bulmakau, a donki, a sipsip, a maka maki lobo vona, ri bole lakea na maloku ne Akor.

Iosua 7:5

Ri tubu ni valili ne huriki a Israel na nihebi dagi na tanga dagi i harena o Sebarim. Ri rabalaki e huriki ri ala ravulu tolu a polona i polotara (36) na dala lakea na lolo. Ni rata mavonga e huriki a Israel ri mangenge, i uka ma ri pesi tora.

2 Petrus 2:6

E huriki a bakovi a ngatavine na tanga dagi i rua, e Sodoma, e Gomora, a Vure i rungani ria na kanono dagi, ri vuro, i vakalobo liu ria na malala. I rata ria, ri manga a kilakila na a ra maki ge bele ne huriki a bakovi a ngatavine ri ngalahere na Vure.