Iosua 22:18 - A Nitana Vure

¹⁸ I navai ngane mu marikoi ni ramai e BAKOVI DAGI, mu ngalahere vona? “‘Mua bara mu longotaro a nitana ngane, kuduvi bara i tahate hita lobo a kabu ne Israel.

Iosua 22:18 Iomraidhean Croise

E Levi 10:6

Ngane e Moses i habi a ngava tabu ne Aron turana e tuna ala rua, e Eleasar, e Itamar. I taki tou i ta maea, “Nahea ge patoka a vune matou, naha ni rape a varakia matou, ma ga moto rata mavonga bara moto mate, a rongova ne BAKOVI DAGI bara i bele ne huriki. Pali e huriki a viri ne mua a Israel, ria ri gi kalo vona ra bakovi nga e BAKOVI DAGI i rabalaki rua na kanono.

Ni Gi 16:22

Pali e Moses e Aron ru tabuli ngalabarara na malala, ru takia e BAKOVI DAGI ru ta maea, “Vure, ioe kunana o rata e huriki a bakovi a ngatavine ri made. I navai i madihi a hatemu ne huriki nga na naro hale na bakovi ala taku i ratea?”

Ni Gi 32:15

Mua o huriki a kabu ne Reuben, e Gad, bara mu lobo ni ramai e BAKOVI DAGI, bara i ngalahere ne hita a Israel, bara i pe mule tabu hita na tabeke i ngeki, lakea mua kunana bara mua a vuhuna a vuranga si bolea.”

Vinara 7:4

a vuhuna bara ri turari e huriki e tune mua ri vano basi ne BAKOVI DAGI, bara ri kavurike a maka vure ne ria. E huriki a koma bara ri rata mavonga, e BAKOVI DAGI bara i madihi a hatena ne mua, bara i malaviriri kunana i ratapile mua.

Iosua 22:15

Ri vano ri bele o Gilead ri taki maea e huriki a kabu ne Reuben, ne Gad, a kalavana kabu ne Manase,

Iosua 22:16

“E huriki a bakovi a ngatavine ne BAKOVI DAGI, ri nana maea, ‘I navai mu ngalahere na Vure ne hita a Israel? Mu longotaro pali a nitane BAKOVI DAGI, mu vakapesia a dede-kedo ne mua. Ngane i uka ma mu ramai tabu e BAKOVI DAGI.

Iosua 22:20

Naha ni longokaburungi a narone Akan, e tune Sera. E BAKOVI DAGI i ta kari vona a maka maki na tanga e Ieriko, pali e Akan i longotaro a nitana, i bole a maka maki, muri e huriki a Israel ri bole a maregoa na naro hale vona. A naro hale ne Akan, i uka ma i madoko vona kikeri. A naro hale vona i madoko ne huriki lobo ri bole a vuranga vona.’”

Iosua 7:1

Muga e BAKOVI DAGI i taki e huriki a Israel nahea ri gi bole ranga maki. A maki lobo ge nono. Pali e Akan i longotaroa a ngava iea, i panaho ranga maki. Lakea e BAKOVI DAGI i madihi a hatena ne huriki a Israel. E Akan e tune Karmi, e Karmi e tune Sapdi, e Sapdi e tune Sera na kabu ne Iuda.

Iosua 7:11

E huriki a Israel ri rata a naro hale pali, ri longotaro a ngava dagi nau a ratea ne ria. Muga a hatekakari ria, nahea ri gi bole a maka maki o Ieriko. Pali ri longotaro a nitagu. Ri panaho pali a maki a taki ta ri gi ratapile. Ri tatami, ri ruhulolo turana a maka maki ne ria.

Iosua 7:21

Na tahuna si vaubi si bole a maka maki o Ieriko, a matai a varakia kamumu o Babel, a tabekena silva a nimavana i 4 kilo, a tabekena gol a nimavana i 1 kilo. A ngaru hateka a maki nga a bole. A bole dili na kape nau a tanu na malala, a silva i tabuli polotano liu.”