Iosua 22:15 - A Nitana Vure

¹⁵ Ri vano ri bele o Gilead ri taki maea e huriki a kabu ne Reuben, ne Gad, a kalavana kabu ne Manase,

Iosua 22:15 Iomraidhean Croise

A Nimariu 32:8

Ri longokaburungia a dala a takia ne ria ri gi ramaia. Ri ratea na gol a tuna bulmakau, ri kavurikea, ri habi a nihabi vona. Lakea ri ta maea, ‘Ra maki iea a vure ne hita, i tuli tala hita o Egipto, i taparaki valai hita koea.’”

E Levi 26:40

“Pali muri e huriki ne mua bara ri taki tala a naro hale ne ria, ne huriki a gare ne ria, a vuhuna ra ri tagege ri longotaro a ngavagu.

E Levi 5:19

Iea a nihabi na rarenga, a vuhuna i rata a naro hale na matane BAKOVI DAGI.”

Ni Gi 14:43

Na tahuna bara mu lokovonga, e huriki a Amalek a Kenan bara ri vaubi turane mua, ri rabalaki mua mu mate. E BAKOVI DAGI i uka ma ge pesi turane mua na vabinga, a vuhuna mu ngalahere vona i uka ma mu muri vona.”

Ni Gi 32:15

Mua o huriki a kabu ne Reuben, e Gad, bara mu lobo ni ramai e BAKOVI DAGI, bara i ngalahere ne hita a Israel, bara i pe mule tabu hita na tabeke i ngeki, lakea mua kunana bara mua a vuhuna a vuranga si bolea.”

Ni Gi 5:6

ge taki e huriki a Israel, ge ta maea, “A viri i ngalahere nau, i rata a naro hale na viri tara, lakea i matakilaka vona a naro hale vona, a bakovi iea i tahoka a ngava.

Mateo 18:17

Ia i tabana i uka ma ge longo, mu taki talea ne huriki a tara na Vure. Ia i tabana i uka ma ge longo, mu mata taroa ge manga a bakovi i uka ma ia a Iuda, o a bakovi ni bole a takis.

1 Korin 1:10

Mua e huriki a turagu, a taki tora mua na rane Isu Kristo, a Bakovi Dagi ne hita, a ta maea, “Mu hate taku. Naha ni vapida lae, naha ni vakabele a tara ge kupo. Mu pesi palupu na niluhoi i taku, na ngava i taku.”

1 Korin 5:4

Mu vapopo na rane Isu a Bakovi Dagi, mu rata manga iau a made turane mua. A nitora ne Isu a Bakovi Dagi ge made turane mua.

Vinara 30:17

“Pali mua bara mu longotaro a ngavana, mu longototo e huriki ranga ri luke mua mu kavurike a vure ne ria,

Vinara 7:4

a vuhuna bara ri turari e huriki e tune mua ri vano basi ne BAKOVI DAGI, bara ri kavurike a maka vure ne ria. E huriki a koma bara ri rata mavonga, e BAKOVI DAGI bara i madihi a hatena ne mua, bara i malaviriri kunana i ratapile mua.

Hibru 12:25

Nahea mu gu longotaroa a lohona Vure. Hosi e Moses, a bakovi na malala, i patutu mule e huriki a Israel. Ri longotaroa a ngavana, muri ri keri ni lelea a rongova na Vure. Pali hita, a Vure meli na hunu i patutu mule hita. I mavonga, nahea si gi longotaro, a vuhuna bara si keri liu ni lelea a rongova na Vure.

Iosua 22:12

Ri longoa a ngava iea, lakea ri vano ri vapopo na tanga e Silo, ri kisi puru a maki na vabinga, ri gi vaubi turana a kabu nga i tolu.

Iosua 22:14

A matakari i ravulu ri vano turana. Ra matakari nga ne Israel, ri matakaria a kabu takutaku ne ria.

Iosua 22:16

“E huriki a bakovi a ngatavine ne BAKOVI DAGI, ri nana maea, ‘I navai mu ngalahere na Vure ne hita a Israel? Mu longotaro pali a nitane BAKOVI DAGI, mu vakapesia a dede-kedo ne mua. Ngane i uka ma mu ramai tabu e BAKOVI DAGI.

Iosua 22:18

I navai ngane mu marikoi ni ramai e BAKOVI DAGI, mu ngalahere vona? “‘Mua bara mu longotaro a nitana ngane, kuduvi bara i tahate hita lobo a kabu ne Israel.