Iosua 22:11 - A Nitana Vure

¹¹ I ranga Israel ri vano ri taki e huriki a turane ria, ri ta maea, “A kabu ne Reuben, ne Gad, a kalavana kabu ne Manase ri ratea a dede-kedo na dahana naru e Iordan, na tabeke ne hita.”

Iosua 22:11 Iomraidhean Croise

Ioanes 1:28

A maka naro nga ri bele o Betani, na gagana naru e Iordan, na tabeke e Ioanes i vahilolo e huriki vona.

Ioanes 20:1

Na hatelanga pokopoko na mugana parava na vik, i tabana ni rodo a hini, e Maria Magdala i lakea na babe turana ranga ngatavine, ri masia a kedo ni kule tala na matana babe.

Ioanes 20:12

I matai a agelo ala rua, ru rodo a varakia keakea, ru made vona a hini ni ru a podane Isu vona. I made na murina gina tara, i made na murina vahana tara.

Vinara 12:11

Na mailo vona na tanga iea mu bole valai a maka maki a taki mua vona pali, ra nihabi gutu-vuro, a maka nihabi ranga, a naguna i taku na maka naguna maki i ravulu, a maki ranga mu ngaru ni habi ne BAKOVI DAGI, a maka nihabi kamumu ne vona ni ta muholi vona ne BAKOVI DAGI.

Iosua 2:7

E huriki a bakovi na hariki ri longo a nitane Rahap, ri pea a tanga dagi. Muri e huriki a tagari ri tukaria a hinebi dagi. E huriki a tara na hariki ri vano ri gi matakana ra bakovi o Israel nga ala rua ru valai ni kasisi. Ri matakana rua, ri vano ri harena na gagana naru e Iordan.

Iosua 22:10

Re huriki nga, i uka ma ri pe mulea ma a malala e Kenan, ri vano ri bele na malala tabukoi na dahana naru e Iordan, ri vakapesia vonga a dede-kedo dagi tabukoi na naru.

Iosua 22:16

“E huriki a bakovi a ngatavine ne BAKOVI DAGI, ri nana maea, ‘I navai mu ngalahere na Vure ne hita a Israel? Mu longotaro pali a nitane BAKOVI DAGI, mu vakapesia a dede-kedo ne mua. Ngane i uka ma mu ramai tabu e BAKOVI DAGI.

Iosua 22:19

Mu luhoi a malala ne mua i muto na matane BAKOVI DAGI, i kamumu mu pe a malala ne mua, mu valai mu bole ranga malala ne mia, ra malala ne BAKOVI DAGI i pesi vona a mailo vona. A dede ne BAKOVI DAGI, a Vure ne hita i tabuli pali. I navai mu longotaro a nitane BAKOVI DAGI, mu ha taro mia mu vakapesia a dede-kedo ne mua?