Iosua 20:9 - A Nitana Vure

⁹ Ra maka tanga nga ni ru here ne vona e huriki a Israel turane huriki basi ri gi kapiloho vona ri gi korimule ria. I mavonga na tahuna a bakovi tara i rabalaki rurua tara bakovi, ge ha lakea vona tara tanga nga. A bakovi i nunu muri vona ge koli, i uka ma ge rabalakia ra bakovi iea, bara ni pelekado taro a maregoa vona.

Iosua 20:9 Iomraidhean Croise

Ni Gi 35:13

“Mu vulaki a tanga ge polotara kunana ne vona a tanga ni kapiloho.

Ni Gi 35:15

Ra tanga nga ri gi pesi manga a tanga ni kapiloho ne huriki a Israel, ne huriki a mosi. E rei a viri i rabalaki rurua tara turana, ge ha lakea vona tara tanga nga, ge kapiloho.

Iosua 20:4

“‘Na tahuna a bakovi tara i ha, i bele vona a tanga iea, ge lakea na hini ni kado a maregoa vona na dilidala na tanga, ge vakalongo e huriki a gare na maki i ratea. Muri e huriki a gare ri gi takia ge dili na tanga, ge made turane ria.

Iosua 20:6

A bakovi i ha ge made vona a tanga iea, ge harena ne huriki ri gi pelekadoa a maregoa vona na matane huriki a tahotanga. Na tahuna ni longo i uka maregoa, bara i made vona a tanga iea, ge harena na prister dagi i rata a leho vona a tahuna iea ge mate. Muri ge hamule mai a tanga vona.’”

Iosua 20:8

Tabukoi o Iordan na kupona na tabeke na nirikena haro ne Ieriko, na tabeke i ngeki, ni ru here a tanga e Beser na malala ne huriki a Reuben, a tanga e Ramot na robo e Gilead na malala ne huriki a kabu ne Gad, a tanga e Golan na robo e Basan na malala na kabu ne Manase.