Iosua 2:6 - A Nitana Vure

⁶ E Rahap i rata a ngava nga i tami ria, pali i tuli sike na mapana ruma a bakovi o Israel nga, i ruhulolo rua polotano na galesi na vit i ru kadolu vonga.

Iosua 2:6 Iomraidhean Croise

A Nimariu 2:2

Muri a ngatavine i singou i podea a koma bakovi. E kinana i masia i mata kamumu hateka, lakea i ruhuloloa na keva i tolu.

Mateo 24:17

E rei a viri i pesi polomeli na mapana roho vona, nahea ge dili na ruma ge bole a maki vona. Ge ha pa kunana.

Vinara 22:8

“Na tahuna mu rata a ruma karaba mu tura halui a gagana na mapana ruma na mota, ma ge boru puru na malala tara bakovi ge mate, bara ioe a vuhuna ke.

Kolosi 3:3

Mu luhoi a maki na hunu, a vuhuna mu mate pali, mu kapiloho turane Kristo pololilo na Vure.

Hibru 11:23

Hosi e tamane kinane Moses ru luhoi torea a Vure. A hariki ne huriki a Egipto i taki ni gi vakapasiri e huriki e tune Israel a bakovi ri gi mate. Pali na tahuna e Moses ni poda, i uka ma ru mangenge ni putu puru a ngava na hariki. Ru ruhuloloa e Moses na keva i tolu, a vuhuna ru masia i mata kamumu hateka.

Iakop 2:25

I mavonga kunana hosi ne Rahap, a ngatavine a ngoi. A Vure i masia a narona na tahuna i matakari e huriki a vinuru, i vakahamule ria na dala tebi, lakea i galea a ngatavine malamala.

Iosua 2:5

Na malunga, tabukoi na tahuna ni tukari a hinebi dagi na tanga dagi, ri pe a hini nga. I uka ma a lohoka vona a hini ri lakea vona. Pali mua bara mu nunu muri ne ria, bara mu bole ria.”

Iosua 2:7

E huriki a bakovi na hariki ri longo a nitane Rahap, ri pea a tanga dagi. Muri e huriki a tagari ri tukaria a hinebi dagi. E huriki a tara na hariki ri vano ri gi matakana ra bakovi o Israel nga ala rua ru valai ni kasisi. Ri matakana rua, ri vano ri harena na gagana naru e Iordan.

Iosua 2:8

A bakovi o Israel nga i uka ma ru mahita ma, lakea e Rahap i rike na ruma

Iosua 6:25

E Iosua i uka ma i rabalakia e Rahap turana a kabu vona, a vuhuna e Rahap i ruhulolo a kasisi nga na tahuna ru dili o Ieriko ru matai panahoa. Re huriki a hamone Rahap ri made turane huriki a Israel i valai i harena mona.