Iosua 2:14 - A Nitana Vure

¹⁴ Lakea a bakovi nga ru koli a ngavana, ru ta maea, “Miri ta muholi na matamu. Maria bara miri ratapilea a nita muholi iea, e BAKOVI DAGI bara i ratapile maria. Ioe i uka ma go taki e huriki a Ieriko vona na maka maki miri rata, maria i uka ma miri gi tatami ni tuhori ioe, na tahuna e BAKOVI DAGI i habia ne mia a robo iea.”

Iosua 2:14 Iomraidhean Croise

A Vuhuna 24:49

Ioe ngane o vakasiri a naro kamumu, a naro kiripiripi na matakari nau. O taki iau ngane. Ge uka o taki iau, bara ramaia a dala tara.”

A Vuhuna 47:29

Na tahuna i popote ge mate, i galea e tuna e Iosep i takia, i ta maea, “Ioe o ngaru hateka iau. O ru polotanoa na labugu a limamu, o ta muholi o longo mai iau, o rata kamumu iau. Naha ni tanu iau o Egipto.

Mateo 5:7

“E huriki a bakovi ni dodo ri gi vivi, a vuhuna a Vure ge dodo ria.

Apostolo 23:22

A matakari i rudu mulea a riau, i ta maea, “Naha ni takia tara viri ne vomu o vakalongo pali iau vona a ngava iea.”

Iosua 2:13

Mua o huriki a Israel, naha ni rabalaki e tata e nana, e huriki e kurabagu e turagu ngatavine, turane huriki a kabu ne ria. Naha ni matataro e huriki a bakovi ri gi rabalaki mia.”

Iosua 2:15

A ruma e Rahap i doga na nure na tanga dagi. I ranga a turutu ri tahoka a nimatatala polomeli na nure na tanga dagi. E Rahap i bolea tara mota i vakatalepe purua, ru gu roe puru vona a bakovi nga.

Iosua 6:17

Si gi ratapilea a tanga dagi iea turana a maka maki lobo ri tabuli vona, ge ne vona e BAKOVI DAGI. Ra ngoi iea, e Rahap kunana, turana a kabu vona pololilo na ruma vona, naha ni rabalaki, a vuhuna i ruhulolo a kasisi si rudu valai ru gu kasisia a tanga dagi.

Iosua 6:22

Lakea e Iosua i taki ra bakovi ru valai muga ru kasisi a tanga dagi, i ta maea, “Muru dili na ruma na ngoi, muru tuli vilia turana a kabu vona, ge manga a nita muru ta muholi vona.”

Iosua 6:25

E Iosua i uka ma i rabalakia e Rahap turana a kabu vona, a vuhuna e Rahap i ruhulolo a kasisi nga na tahuna ru dili o Ieriko ru matai panahoa. Re huriki a hamone Rahap ri made turane huriki a Israel i valai i harena mona.