Iosua 2:1 - A Nitana Vure

¹ E huriki a Israel ri tababana ni made o Sitim, lakea e Iosua i rudu a bakovi ala rua ru vano, ru kasisia a robo e Kenan. I taki rua, i ta maea, “Muru vano, muru matai kapilohoa a tanga dagi e Ieriko turana a malala i tabuli tabukoi vona.” Muri a bakovi nga ru vano ru bele vona tara ruma na ngatavine a ngoi, a rana e Rahap, ru made turana.

Iosua 2:1 Iomraidhean Croise

A Vuhuna 42:16

Mu rudua tara ne mua ge vano ge tuli vilia e tarine mua. Mua lobo bara mu dili taro na bavi, ni gi toni a ngavane mua. Muholi hateka na rane Parao, mua e huriki a kasisi!”

A Vuhuna 42:9

Ngane i longovisia a vurena i vurena ne ria, lakea i taki ria, “Ra mua, mua a kasisi! Mu valai ni kasisi a hini i uka ma ni tagakari.”

Ni Gi 13:1

E BAKOVI DAGI i takia e Moses,

Ni Gi 13:2

“Ioe o lohoka vona ra robo e Kenan ga habia ne mua e huriki a Israel. I mavonga o vulaki tala a ubu na tara takutaku na kabu i ravulu a polona i rua, o rudu ria ri gi vano ri gi kasisia a robo e Kenan.”

Ni Gi 25:1

Na tahuna e huriki a Israel ri made na maloku ne Sitim, lakea e huriki a bakovi o Israel ri tubu ni rata a narona molenga turane huriki a ngatavine o Moab.

Ni Gi 33:49

Ri rata a mada na gagana naru e Iordan, tabukoi o Bet-Iesimot i vano i harena o Abel-Sitim.

Mateo 1:5

E Salmon e tamane Boas, e kinana e Rahap. E Boas e tamane Obed, e kinana e Rut. E Obed e tamane Iesi.

Mateo 10:16

“A rudu tala mua manga a tuna sipsip ri laho na kurukuruna kabu na kaugara. I mavonga, mu mamata, mu made madoru manga a balu.

Epesus 5:5

I muholi hateka, e huriki ri mole, e huriki ri katoki na matana Vure, e huriki ri ngutu na maki na viri tara (e huriki maea ri kavurike a vure tebi), i uka ma ri gi dili na harikianga ne Kristo, a harikianga na Vure.

Hibru 11:31

A ngatavine a ngoi e Rahap i luhoi torea a Vure, i kori a Israel ala rua, ru kasisi a tanga vona. Lakea, i uka ma i vurua turane huriki ri putu puru a nitana Vure.

Iakop 2:25

I mavonga kunana hosi ne Rahap, a ngatavine a ngoi. A Vure i masia a narona na tahuna i matakari e huriki a vinuru, i vakahamule ria na dala tebi, lakea i galea a ngatavine malamala.

Iosua 1:18

A viri i tagege, i longotaro a ngavamu na a ra maki o vakuku ria vona ri gi rata, pali i uka ma ri rata, bara ni rabalaki. Pali ioe o pesi tora, naha ni mangenge.”

Iosua 2:2

Lakea ranga viri ri takia a hariki o Ieriko, ri ta maea, “O matadoko! Mona na rodo, i ranga Israel ri valai ta ri gi kasisia a robo vomu.”

Iosua 21:31

e Helkat, e Rehob. Ra tanga i va nga, ri tahoka a maka tabekena malala ri tabuli tabukoi ne ria, ne vona ni vakalaho a maka bulmakau a sipsip.

Iosua 3:1

E Iosua i hadongo na hatelanga pokopoko turane huriki a Israel, ri pea a mada na tanga e Sitim, ri vano ri bele na naru e Iordan. Ri rata a mada na gagana, i uka ma ri tulu poloa.

Iosua 5:10

E huriki a Israel ri made na mada ne ria, na bila tabukoi o Ieriko. Na rodo na parava ravulu a polona i va, na mugana keva ri ratea a Habu na Nipagepolo.