Iosua 19:51 - A Nitana Vure

⁵¹ E huriki a Israel ri vapopo na matana Kape na Vaponga ne BAKOVI DAGI o Silo. Ri dava e Eleasar a prister, e Iosua turane huriki a matakari na kabu ri gi veru a malala na tabeke na nirolona haro ne Iordan. Ngane ri vakalobo ni veru a maka malala.

Iosua 19:51 Iomraidhean Croise

A Vuhuna 49:10

A kodo-hariki i tabuli na limamu, bara o matakari vakaroro, i harena na tahuna o bele na tanga e Silo, o matakari e huriki ala kupo.

Mateo 20:23

Lakea e Isu i taki rua i ta maea, “I muholi hateka muru gu kalohoa a nimadihi manga iau. Pali e rei ge made na kanegu, a maurigu, i uka ma a maki nau ga habi. A gula nga e Tata i rata puru na viri i vulaki pali.”

Mateo 25:34

Muri a Hariki bara i taki e huriki ri pesi na limana a kanena, ‘Mu valai, mua e huriki e Tata i vakabagetu mua. Mu bolea a harikianga, ra ni rata puru ne mua na tahuna i ratarike a hunu a malala.

Ioanes 17:2

a vuhuna o habia pali nau a nitora ga matakari e huriki lobo, ga habi a nimahuri vakaroro ne huriki o habi nau pali.

Apostolo 13:19

Muri i vakalobo a kabu dagi i polorua o Kenan, i bole a malala ne ria i habi polo ne huriki a Israel, ga malala ne ria liu.

Iosua 14:1

Iea a nuverei na maka tabekena malala na kabu takutaku ne Israel ri bole pololilo ne Kenan. Na tahuna e huriki a Israel ri tababana ni made na tabeke na nirikena haro na naru e Iordan, e Moses i habi a tabekena malala na kabu i rua turana a kalavana kabu tara ne Israel. Pali e Moses i uka ma i habia na kabu ne Levi tara tabekena malala. Ngane e huriki a Israel ri bele pali na malala e Kenan na tabeke na nirolona haro na naru e Iordan. Lakea e prister Eleasar, e Iosua e tune Nun, turane huriki a matakari na kabu takutaku ne Israel, ri ramai a ngava ne BAKOVI DAGI i ratea ne Moses. Ri rehi na rihiva na satu, ri veru ne huriki a kabu i polova turana a kalavana kabu tara ne ria a malala.

Iosua 18:1

E huriki a Israel ri vaubi ri bole lobo pali a maka tanga, muri ri vano ri vapopo na tanga e Silo, ri vakapesia vonga a Kape na Vaponga.

Iosua 18:10

E Iosua i rehi na rihiva na satu na tanga e Silo, ge lohoka vona i vai a tabekena malala ge habi na kabu takutaku. Muri i verua a malala i habia ne ria.

Iosua 20:1

Muri e BAKOVI DAGI i takia e Iosua,