Iosua 18:3 - A Nitana Vure

³ Lakea e Iosua i taki e huriki a Israel i ta maea, “E BAKOVI DAGI a Vure ne huriki a gare ne mua i habia ne mua a malala iea, pali i navai mu dava tabaka hateka, mu gu bole a tabekena malala ne mua?

Iosua 18:3 Iomraidhean Croise

Mateo 20:6

Na malunga, na kilala i lima, i vano tabu. I matai e huriki ranga ri pesi tavula, lakea i nana ria, ‘I navai mu pesi tavula mavonga koea na parava iea?’

Ioanes 6:27

Naha ni leho ni bole a maki ni kani na malala. Bara i bera. Mu leho ni bole a maki ni kani na hunu, ra i tabuli vakaroro, i habi a nimahuri vakaroro. Iau, a Tuna Bakovi, ga habia mua a maki ni kani na hunu, a vuhuna a Vure e Tata i ru a kilakila nau. Ra kilakila iea, i vakasiri manga i vivi nau.”

Iosua 1:6

“O pesi tora, naha ni mangenge. O bole e huriki nga, o taparaki ria lakea na malala a ta muholi vona ne huriki a gare ne mua ga habia ne mua.

Iosua 13:1

Na tahuna e Iosua i kupo a pida vona i gare, e BAKOVI DAGI i takia, “Ioe o gare ngane. Pali i kupo a malala i uka ma o bole ma.

Iosua 18:2

Pali a kabu i polorua ri tababana ni bole a tabekena malala ne ria.

Iosua 18:4

Mu vulaki a bakovi ge ala tolu na kabu takutaku, ga rudu lakea ria na maka tabekena malala lobo, ri gi nagi tala a malala ri ngaru ni bole. Muri ri gi hamule valai tabu nau.