Iosua 18:12 - A Nitana Vure

¹² Na tabeke mule sike a tabekena malala ne ria, a nagi i tubu na naru e Iordan i sike mai a kupona na tabeke mule sike na tanga e Ieriko. A nagi i kaogo vonga i lakea mai a tabeke na nirolona haro i lokovonga liu na tabeke i ngeki ne Bet-Aven.

Iosua 18:12 Iomraidhean Croise

Iosua 16:1

A kabu ne Manase ne Epraim rua a hamone Iosep. A nagi na malala ni habi ne huriki a hamone Iosep i tubu na tabeke na nirikena haro na lomu ne Ieriko tabukoi na naru e Iordan. Muri i vano i polotaroa a tabeke i ngeki i lokovonga na maka lolo i harena na tanga e Betel. I tubu o Betel, re Lus, a nagi i lakea na tanga e Atarot-Adar, ra tanga i made vona e huriki a Arka. Muri a nagi i lakea na nirolona haro i bele na tabeke ne huriki a Iaplet, i lokovonga liu na tanga e Bet-Horon na maloku. Muri a nagi i lakea mai a tanga e Geser, i vano i bele na Dari na Kurukuruna Malala.

Iosua 18:11

A Kabu ne Bensamin i bole a malala na kurukuruna kabu ne Iuda a kabu ne Iosep.

Iosua 2:1

E huriki a Israel ri tababana ni made o Sitim, lakea e Iosua i rudu a bakovi ala rua ru vano, ru kasisia a robo e Kenan. I taki rua, i ta maea, “Muru vano, muru matai kapilohoa a tanga dagi e Ieriko turana a malala i tabuli tabukoi vona.” Muri a bakovi nga ru vano ru bele vona tara ruma na ngatavine a ngoi, a rana e Rahap, ru made turana.

Iosua 3:16

lakea a naru i roga, i uka ma i tua tabu. Ra naru i tua valai meli i tabuli manga a lolo i vano i harena na tanga e Adam, ra tanga i pesi tabukoi na tanga e Saretan. A naru i tua lakea na Dari Mate i kere liu. E huriki ri laho polo ri bele na tabeke tara tabukoi o Ieriko.

Iosua 6:1

E huriki a Ieriko ri longo e huriki a Israel ri valai tabukoi, lakea ri hebi torea a nihebi na nure dagi, nahea a viri tara ge laho virivarola vona a hini ngi.

Iosua 7:2

E Iosua i made o Ieriko i rudu e huriki a bakovi ri lakea o Ai, ra tanga i pesi na tabeke na nirikena haro na tanga e Betel, tabukoi na tanga e Betaven. I taki ria ri gi lokovonga ri gi kasisia a tanga iea. Lakea e huriki nga ri vano, ri rata manga a ngava i taki e Iosua.

Iosua 8:15

Lakea e Iosua turane huriki a tara vona ri tamilalu ni ha lakea na tabeke i ngeki.