Iosua 18:1 - A Nitana Vure

¹ E huriki a Israel ri vaubi ri bole lobo pali a maka tanga, muri ri vano ri vapopo na tanga e Silo, ri vakapesia vonga a Kape na Vaponga.

Iosua 18:1 Iomraidhean Croise

Ni Gi 32:22

Mua bara mu rata lobo a maki nga, muri, na tahuna a malala lobo i tabuli na limane hita na matane BAKOVI DAGI, bara mu hamule valai na tanga ne mua, a leho ne mua bara i lobo na matane BAKOVI DAGI, na matane huriki a Israel. Lakea a malala koea bara a malala ne mua na matane BAKOVI DAGI.

Apostolo 7:45

Muri e huriki e tune ria ri bole vilia na tahuna e Iosua i muga ne ria, ri bole polo a malala ne huriki a kabu ranga. E huriki a kabu nga, a Vure i lili tala ria. Ri vakapesia koea a kape, i valai i harena na tahuna e Davit a hariki i matakari o Israel.

Iosua 18:2

Pali a kabu i polorua ri tababana ni bole a tabekena malala ne ria.

Iosua 18:8

E Iosua i taki e huriki a bakovi ri gi here puru a nitana malala, i ta maea, “Mu vano mu kasisi lobo a maka tabekena malala, mu here puru a nitana, mu bole valai nau. Ga rehi na rihiva na satu, ga lohoka vona i vai a tabekena malala e BAKOVI DAGI ge habi ne mua.”

Iosua 19:51

E huriki a Israel ri vapopo na matana Kape na Vaponga ne BAKOVI DAGI o Silo. Ri dava e Eleasar a prister, e Iosua turane huriki a matakari na kabu ri gi veru a malala na tabeke na nirolona haro ne Iordan. Ngane ri vakalobo ni veru a maka malala.

Iosua 21:2

Ri tagui ria na tanga e Silo na malala ne huriki a Kenan, ri taki ria, “E BAKOVI DAGI i vakukua e Moses, ta mi gi bole ranga tanga mi gi made vona, ge tahoka a maka varili kamumu ge kani a maka bulmakau ne mia.”

Iosua 22:12

Ri longoa a ngava iea, lakea ri vano ri vapopo na tanga e Silo, ri kisi puru a maki na vabinga, ri gi vaubi turana a kabu nga i tolu.

Iosua 22:19

Mu luhoi a malala ne mua i muto na matane BAKOVI DAGI, i kamumu mu pe a malala ne mua, mu valai mu bole ranga malala ne mia, ra malala ne BAKOVI DAGI i pesi vona a mailo vona. A dede ne BAKOVI DAGI, a Vure ne hita i tabuli pali. I navai mu longotaro a nitane BAKOVI DAGI, mu ha taro mia mu vakapesia a dede-kedo ne mua?

Iosua 22:9

Lakea e huriki a bakovi na kabu ne Reuben, ne Gad, a kalavana kabu ne Manase ri laho hamule mai a tanga ne ria. Ri pe mule e huriki a Israel ranga na tanga e Silo o Kenan, ri hamule lakea na tabeke ne Gilead, na malala ne ria. Ri bolea a malala iea, i manga a ngava e BAKOVI DAGI i taki e Moses vona.