Iosua 17:4 - A Nitana Vure

⁴ Ra ngatavine nga ri vano, ri matai a prister e Eleasar turane Iosua e tune Nun, e huriki a matakari, ri taki ria, “E BAKOVI DAGI i vakukua e Moses ge habia na kabu ne mia tara tabekena malala.” Lakea ri habia ne ria a malala, ge manga ne huriki a turane ria a bakovi.

Iosua 17:4 Iomraidhean Croise

Ni Gi 27:1

E Mala, e Noa, e Hoglah, e Milka, e Tirsa, e huriki a ngatavine e tune Selopehad, ri deke. E Selopehad e tune e Heper, e Heper e tune Gilead, e Gilead e tune Makir, e Makir e tune Manase, e Manase e tune Iosep.

Ni Gi 27:4

I muholi ngi i uka e tuna ga bakovi ge bole a murina, pali i navai a rane tamane mia ge velu tavula ne hita e huriki a Israel? I mavonga o habi mia ranga tabekena malala, na kabu ne tamane mia.”

Ni Gi 36:10

Lakea e huriki e tune Selopehad ngatavine, ri ramai a nitane BAKOVI DAGI i vakuku e Moses vona.

Galesia 3:28

Mua lobo mu rihi e Kristo, ngane mua lobo mu manga a viri ala taku. I uka tabu a Iuda, o a viri i uka ma a Iuda. I uka tabu a vorakato, o a viri i uka ma a vorakato. I uka tabu a bakovi o a ngatavine. Mu palupulupu.

Iosua 14:1

Iea a nuverei na maka tabekena malala na kabu takutaku ne Israel ri bole pololilo ne Kenan. Na tahuna e huriki a Israel ri tababana ni made na tabeke na nirikena haro na naru e Iordan, e Moses i habi a tabekena malala na kabu i rua turana a kalavana kabu tara ne Israel. Pali e Moses i uka ma i habia na kabu ne Levi tara tabekena malala. Ngane e huriki a Israel ri bele pali na malala e Kenan na tabeke na nirolona haro na naru e Iordan. Lakea e prister Eleasar, e Iosua e tune Nun, turane huriki a matakari na kabu takutaku ne Israel, ri ramai a ngava ne BAKOVI DAGI i ratea ne Moses. Ri rehi na rihiva na satu, ri veru ne huriki a kabu i polova turana a kalavana kabu tara ne ria a malala.

Iosua 17:5

I mavonga e huriki a hamone Manase ri bole a tabekena malala i ravulu, na nirolona haro ne Iordan, turana a tabeke i rua tabu ne Gilead ne Basan,

Iosua 21:1

E huriki a matakari na kabu ne Levi ri vano ri matai e Eleasar a prister, e Iosua e tune Nun bakovi, turana e huriki a matakari na maka kabu ne Israel.