Iosua 16:1 - A Nitana Vure

^1-4 A kabu ne Manase ne Epraim rua a hamone Iosep. A nagi na malala ni habi ne huriki a hamone Iosep i tubu na tabeke na nirikena haro na lomu ne Ieriko tabukoi na naru e Iordan. Muri i vano i polotaroa a tabeke i ngeki i lokovonga na maka lolo i harena na tanga e Betel. I tubu o Betel, re Lus, a nagi i lakea na tanga e Atarot-Adar, ra tanga i made vona e huriki a Arka. Muri a nagi i lakea na nirolona haro i bele na tabeke ne huriki a Iaplet, i lokovonga liu na tanga e Bet-Horon na maloku. Muri a nagi i lakea mai a tanga e Geser, i vano i bele na Dari na Kurukuruna Malala.

Iosua 16:1 Iomraidhean Croise

A Vuhuna 35:24

E tune Resel a bakovi a rane rua ra nga: e Iosep e Bensamin.

Iosua 15:61

A maka tanga ri pesi na tabeke i ngeki ra nga: e Bet-Araba, e Midin, e Sekaka,

Iosua 18:12

Na tabeke mule sike a tabekena malala ne ria, a nagi i tubu na naru e Iordan i sike mai a kupona na tabeke mule sike na tanga e Ieriko. A nagi i kaogo vonga i lakea mai a tabeke na nirolona haro i lokovonga liu na tabeke i ngeki ne Bet-Aven.

Iosua 18:5

Ri gi nagi a tabekena malala ge polorua. A kabu ne Iuda ge made na tabeke mule puru, a kabu ne Iosep ge made na tabeke mule sike.

Iosua 8:15

Lakea e Iosua turane huriki a tara vona ri tamilalu ni ha lakea na tabeke i ngeki.