Iosua 15:13 - A Nitana Vure

¹³ Hosi e BAKOVI DAGI i takia e Iosua ge habia ne Keleb e tune Iepune a tabekena malala tara ne huriki a Iuda. E Iosua i ramaia a ngava ne BAKOVI DAGI i habia ne Keleb a tanga e Hebron, a rana tara e Kiriat-Arba. E Arba a hamone Anak.

Iosua 15:13 Iomraidhean Croise

A Vuhuna 13:18

Lakea e Abram i pukea a kape vona, i mariu lakea o Hebron. I ratea a tanga vona tabukoi na kai dagi ne Mamare, na hini i kisi muga a dede-kedo ne BAKOVI DAGI vona.

A Vuhuna 23:2

muri i mate na tanga e Kiriat-Araba, a rana tara e Hebron na robo e Kenan. Lakea e Abraham i dodo hatekea, i taringia.

Ni Gi 13:30

E huriki a Israel ri longo a maka nitane huriki a matakari ri mangenge, ri rata viliha a ngava. Lakea e Keleb i tahate ria na matane Moses i ta maea, “I navai mu ta hateka? Ngane si gi lokovonga, si gi vaubi turane ria, si gi bolea a malala ne ria, a vuhuna si tahoka a nitora, si kara ni rangi ria, si gi bolea a malala iea.”

Ni Gi 13:6

E Keleb e tune Iepune, ni bole tala na kabu ne Iuda.

Iosua 11:21

Na tahuna iea e Iosua i vano i ratapilea a kabu ne Anak, ra ri made na maka lolo na tanga e Hebron, e Debir, e Anab na maka tabeke ranga ne Iuda, ne Israel. E Iosua i vakalobo liu e huriki nga, i ratapile a maka tanga ne ria.

Iosua 20:7

Lakea ri ru herea a tanga e Kedes na tabeke ne Galili na kupona na malala ne huriki a Naptali, e Sekem i pesi na kupona na malala ne huriki a Epraim, e Kiriat-Araba re Hebron na kupona na malala ne huriki a Iuda.

Iosua 21:11

Ri habia ne ria e Kiriat-Araba re Hebron. E Arba e tamane Anak. A tanga e Hebron i pesi na kupona malala na kabu ne Iuda. Ri habia ne huriki a hamone Aron ra tanga iea, turana a malala i tabuli haluia, ne vona ni vakalaho a maka bulmakau a sipsip ne ria vona.