Iosua 14:6 - A Nitana Vure

⁶ I ranga bakovi ne Iuda ri bele ne Iosua o Gilgal. Lakea e Keleb e tune Iepune na kabu ne Kenas i takia e Iosua i ta maea, “Na tahuna si made o Kades-Barnea, e BAKOVI DAGI i takia e Moses a vora vona na maki ge ratea ne tarua. O lohoka vona a maki i takia.

Iosua 14:6 Iomraidhean Croise

Ni Gi 13:26

Muri ri hamule valai ne Moses, e Aron, ne huriki a Israel, ri made na tanga e Kades na tabeke i ngeki ne Paran, ri vakalongo ria na maka maki ri matai, ri vakasiri a maka kanena kai ri bole.

Ni Gi 13:30

E huriki a Israel ri longo a maka nitane huriki a matakari ri mangenge, ri rata viliha a ngava. Lakea e Keleb i tahate ria na matane Moses i ta maea, “I navai mu ta hateka? Ngane si gi lokovonga, si gi vaubi turane ria, si gi bolea a malala ne ria, a vuhuna si tahoka a nitora, si kara ni rangi ria, si gi bolea a malala iea.”

Ni Gi 13:6

E Keleb e tune Iepune, ni bole tala na kabu ne Iuda.

Ni Gi 14:24

Pali a vora nau e Keleb, a niluhoi vona i tebi, i ramaia a ningaru nau muholi. Ngane ga taparaki lokovongea vona a robo i masia pali, ge made vona, muri ge bolea e huriki a hamona.

Ni Gi 14:30

A ta muholi ta ga bole mua, mu gu made vona a robo iea, pali ngane mua lobo i uka ma mu gu vano. E Keleb e tune Iepune, rua e Iosua e tune Nun kunana ru gu vano.

Ni Gi 14:6

Lakea e Iosua e tune Nun, e Keleb e tune Iepune, ra turane huriki a ubu na tara nga ri kasisi e Kenan, ru rihate vona a ngava iea ru rape a varakia ne rua.

Ni Gi 26:65

A vuhuna e BAKOVI DAGI i taki re huriki nga i ta maea, “Re huriki a bakovi nga, bara ri mate na tabeke i ngeki.” Lakea ri mate na tabeke i ngeki, pali e Keleb e tune Iepune bakovi, e Iosua e tune Nun bakovi, rua kunana i uka ma ru mate.

Ni Gi 32:12

A bakovi ala rua kunana ru gu vano, re Keleb e tune Iepune na kabu ne Kenas, e Iosua e tune Nun, a vuhuna ru luhoi tora iau na hatene rua, ru ramai iau e BAKOVI DAGI.’

Vinara 33:1

E Moses ra bakovi i vakalongo a nitana Vure, a parava vona ni mate i valai tabukoi, lakea i gamai e huriki a Israel,

Vinara 34:10

I valai i harena mona i uka tara propet o Israel ge manga e Moses. E BAKOVI DAGI i ta turane Moses i manga a bakovi i ta turana e turana.

Vinara 34:5

Lakea e Moses, a vora ne BAKOVI DAGI, i mate na malala ne huriki a Moab, i manga a ngava e BAKOVI DAGI i takia vona.

1 Timoti 6:11

Pali ioe, a bakovi na Vure, o ha taro a maka naro hale nga. O toni a bulumu ni ramai a naro malamala, a naro na Vure. O toni a bulumu ni luhoi torea a Vure, ni ngaru e huriki, ni pesi tata, ni rata kamumu e huriki.

2 Timoti 3:17

I mavonga, a bakovi i laho turana Vure bara i kara ni rata a naro kamumu legelege.

Iosua 10:43

Muri e Iosua turane huriki a Israel, ri hamule na mada ne ria o Gilgal.

Iosua 14:14

E Keleb i ramai kamumu a nitane BAKOVI DAGI a Vure ne Israel. I mavonga, e Hebron i tabuli liu a malala ne huriki a hamone Keleb, e tune Iepune, a kabune Kenas.

Iosua 15:17

Lakea e Otniel, e tune Kenas a bakovi, e turane Keleb i bolea a tanga iea. Muri e Keleb i habia vona e Aksa, i parangi vona.

Iosua 4:19

E huriki a Israel ri laho poloa a naru e Iordan na ravuluna parava na mugana keva, ri rata a mada na tanga e Gilgal, tabukoi o Ieriko na tabeke na nirikena haro.