Iosua 14:12 - A Nitana Vure

¹² Ngane o habia nau a malala iea na lolo, e BAKOVI DAGI i takia na tahuna a vakalongo a maki a matai. O longo iau a vakalongo ioe vona e huriki a bakovi hateka ne Anak ri made vona a hini nga, na maka tanga ni tura halui na nure i tora hateka. Pali ge BAKOVI DAGI i made turagu, bara lili tala e huriki a bakovi nga, i manga a ngava e BAKOVI DAGI i taki pali.”

Iosua 14:12 Iomraidhean Croise

Ni Gi 13:28

Pali e huriki na robo iea ri gao hateka. A maka tanga ne ria ni tura halui na nure ri tora hateka. Mi matai vonga e huriki a hamone Anak.

Ni Gi 13:33

Re huriki a bakovi nga, e huriki a Nepilim, a hamone Anak. Mi matai ria, mi luhoi mule mia, mia a maki tavula liu, mi manga a koa. Ria ranga ri matai mia, mi manga a koa.”

Ni Gi 21:34

E BAKOVI DAGI i takia e Moses i ta maea, “Naha ni mangenge ne ria, bara tuhori mua mu ratapile ria, mu bolea a malala ne ria. Bara mu ratapilea i manga a hini mu ratapilea e Sihon, a hariki o Amor, ra i matakari o Hesbon.”

A Raukea e Paulus i Here Lakea ne Huriki a Rom 8:31

Si lohoka vona, a Vure i pesi turane hita. I mavonga, e rei ge gege hita?

Vinara 1:28

I navai si gi lakea vona a hini nga? Na tahuna e huriki a bakovi mi rudu ria ri gi kasisia a robo iea, ri hamule ri taki mia ta e huriki a bakovi ri made vona a robo iea ri ola hateka ri gao hateka, mi mangenge. Ri made pololilo na maka tanga vonga, ni tura halui na nure-kedo i padoi a bubu. Ri matai tabu e huriki a bakovi ri koru dagi hateka, re huriki a hamone Anak.’

Vinara 9:1

E Moses i ta tabu i ta maea, “Mua o huriki a Israel mu longo. I tabukoi ngane mu gu tulu poloa a naru e Iordan, bara mu vano mu lili tala e huriki ri gao hateka ne mua, mu bolea a malala ne ria. Ri tahoka a maka tanga, ni tura halui na nure-kedo i padoi a bubu.

Vinara 9:3

Pali ngane mu lohoka kamumu maea, e BAKOVI DAGI a Vure ne hita, ge muga ne mua, ge manga a kanono i hube i kara hateka. Na tahuna mu laho lokovonga bara i ratapile a maka nitora ne ria. I mavonga bara mu vaubi turane ria, mu lili tala ria, mu ratapile ria malaviriri, i manga a ngava i ta muholi vona ge rata.

Pilipai 4:13

E Kristo i vaka­tora iau, lakea a kara ni rata a maki lobo.

Hibru 11:33

Ria lobo ri luhoi torea a Vure, ri mulangi na vabinga, ri ratapile a robo i kupo. Ri vakamadihi e huriki a bakovi, a maka tanga ri gegea a Vure. Ri bole a maka maki a Vure i ta muholi ge habi ne ria. Ri nugu pupu a ngavana maka laion.

Iosua 15:14

I vonga o Hebron, e Keleb i lili tala a kabu ne Anak i tolu: e Sesai, e Ahiman, e Talmai.