Iosua 14:1 - A Nitana Vure

^1-3 Iea a nuverei na maka tabekena malala na kabu takutaku ne Israel ri bole pololilo ne Kenan. Na tahuna e huriki a Israel ri tababana ni made na tabeke na nirikena haro na naru e Iordan, e Moses i habi a tabekena malala na kabu i rua turana a kalavana kabu tara ne Israel. Pali e Moses i uka ma i habia na kabu ne Levi tara tabekena malala. Ngane e huriki a Israel ri bele pali na malala e Kenan na tabeke na nirolona haro na naru e Iordan. Lakea e prister Eleasar, e Iosua e tune Nun, turane huriki a matakari na kabu takutaku ne Israel, ri ramai a ngava ne BAKOVI DAGI i ratea ne Moses. Ri rehi na rihiva na satu, ri veru ne huriki a kabu i polova turana a kalavana kabu tara ne ria a malala.

Iosua 14:1 Iomraidhean Croise

Ni Gi 34:13

Lakea e Moses i vakuku e huriki Israel i ta maea, “E BAKOVI DAGI i ru a nagi na malala ne mua a kabu i polova turana a kalavana kabu ne Manase. Mu rehi na rihiva na satu mu vulaki a tabekena malala ne mua.

Ni Gi 34:16

E BAKOVI DAGI i takia e Moses i ta maea,

Apostolo 13:19

Muri i vakalobo a kabu dagi i polorua o Kenan, i bole a malala ne ria i habi polo ne huriki a Israel, ga malala ne ria liu.

Vinara 12:10

Na tahuna mu tulu poloa a naru e Iordan, e BAKOVI DAGI bara i taki mua mu bolea a malala iea mu made vona. Bara i matakari kamumu mua, e huriki a pile i uka ma ri gi valai tabukoi ne mua, bara mu made na nivalemu.

Iosua 13:6

a malala ne huriki e Sidon ri made na maka tanga na kurukuruna maka lolo ne Lebanon; a tanga e Misrepot-Maim. Iau kunana ga lili tala a kabu nga, o bole a malala ne ria, o veru na maka kabu ne Israel, ge ne ria liu. O ramai a ngava a taki.

Iosua 19:51

E huriki a Israel ri vapopo na matana Kape na Vaponga ne BAKOVI DAGI o Silo. Ri dava e Eleasar a prister, e Iosua turane huriki a matakari na kabu ri gi veru a malala na tabeke na nirolona haro ne Iordan. Ngane ri vakalobo ni veru a maka malala.

Iosua 21:1

E huriki a matakari na kabu ne Levi ri vano ri matai e Eleasar a prister, e Iosua e tune Nun bakovi, turana e huriki a matakari na maka kabu ne Israel.