Iosua 12:6 - A Nitana Vure

⁶ E Moses turane huriki a Israel ri ratapile a hariki nga ala rua na vabinga. Lakea e Moses a vora ne BAKOVI DAGI i habia a malala iea na kabu ne Reuben, na kabu ne Gad, na kalavana kabu ne Manase.

Iosua 12:6 Iomraidhean Croise

Ni Gi 32:29

i ta maea, “E huriki a Gad, a Reuben ri gi kisi mule ria na vabinga, ri gi tulu poloa a naru e Iordan turane mua na matane BAKOVI DAGI, lakea mu bole a malala e Kenan, ngane mu habi ne huriki a Gad, e huriki a Reuben a malala na tabeke ne Gilead, ga malala ne ria.

Ni Gi 32:32

Mi gi kisi mule mia na vabinga, mi gi tulu poloa e Iordan na matane BAKOVI DAGI, mi gi bele vona a robo e Kenan. Pali a malala mi gi bolea, a malala koea na tabekena nirikena haro ne Iordan.”

Ni Gi 32:33

Lakea e Moses i habi na kabu ne Gad, a kabu ne Reuben, a kalavana kabu ne Manase, re tune Iosep, i habi ne ria a harikianga ne Sihon, a hariki ne huriki a Amor. I habi tabu ne ria a harikianga ne Og, a hariki o Basan, a malala lobo vona, turana a maka tanga, a tabeke tabukoi ne ria.

Iosua 18:7

Pali a kabu ne Levi ge leho manga a prister ne BAKOVI DAGI, lakea i uka ma ge bole a tabekena malala. A kabu ne Gad ne Reuben turana a kalavana kabu ne Manase, to bole pali a malala ne tou na tabeke na nirikena haro ne Iordan, re Moses a vora ne BAKOVI DAGI i habi ne tou.”

Iosua 22:4

Ngane, e BAKOVI DAGI a Vure ne hita i habi a nivalemu ne huriki a turane mua, i manga hosi i ta muholi ne ria. I mavonga mu hamule mai a tanga ne mua, na tabeke ne Iordan, hosi e Moses a vora ne BAKOVI DAGI i habi ne mua.