Iosua 12:1 - A Nitana Vure

¹ E huriki a Israel ri mulangi na vabinga, ri bole lobo a maka malala na tabeke na nirikena haro ne Iordan. A harena malala iea i tubu na maloku na naru e Arnon, i lakea na maloku ne Iordan i harena na lolo e Hermon. Muga e huriki a Israel ri rangi a hariki ala rua na vabinga. Ra hariki nga e Sihon e Og.

Iosua 12:1 Iomraidhean Croise

Ni Gi 21:13

Muri ri pea e Sered ri tulu poloa a naru e Arnon, ri rata a mada na tabeke mule sike na naru e Arnon, na tabeke i ngeki. Ra tabeke i ngeki iea i dili na robo ne huriki a Amor. Ra naru e Arnon i nagi a robo e Moab e Amor.

Ni Gi 21:21

Muri e huriki a Israel ri rudu a vinuru ne Sihon a hariki o Amor, ri ta maea,

Ni Gi 21:24

Pali e huriki a Israel ri rabalaki na bainat e huriki a Amor ri ala kupo, ri bolea a malala ne ria, i vakatubu na naru e Arnon, i vano i harena na naru e Iabok na tabeke mule sike. Ra hini nga a harena a robo e Amon. E huriki a Amon ri tahoka e huriki a tara na maheto ri tora hateka, ri tagaria a harena malala ne ria.

Ni Gi 32:19

Mia i uka ma mi gi bole ranga malala na tabekene Iordan tara, a vuhuna mi bole pali a tabekena malala koea na nirikena haro ne Iordan.”

Ni Gi 32:32

Mi gi kisi mule mia na vabinga, mi gi tulu poloa e Iordan na matane BAKOVI DAGI, mi gi bele vona a robo e Kenan. Pali a malala mi gi bolea, a malala koea na tabekena nirikena haro ne Iordan.”

Ni Gi 32:33

Lakea e Moses i habi na kabu ne Gad, a kabu ne Reuben, a kalavana kabu ne Manase, re tune Iosep, i habi ne ria a harikianga ne Sihon, a hariki ne huriki a Amor. I habi tabu ne ria a harikianga ne Og, a hariki o Basan, a malala lobo vona, turana a maka tanga, a tabeke tabukoi ne ria.

Vinara 2:24

“Si pe mulea e Moab, lakea e BAKOVI DAGI i taki hita i ta maea, ‘Mu malaga mu tulupoloa a naru e Arnon. Ngane ga rua na limane mua a bakovi o Amor e Sihon, a hariki ne Hesbon, turana a malala vona. Mu pesi rike mu vaubi vona mu bolea a malala vona.

Vinara 2:32

“Muri e Sihon i bele turane huriki a tara vona ri gi vaubi turane hita, tabukoi na tanga e Iahas.

Vinara 3:1

E Moses i tababana ni vara, i ta maea, “Muri si ngalakapulo si sike na tabeke meli na dala lakea na robo e Basan, lakea a hariki e Og i valai turana e huriki a nugumaheto vona ri gi vaubi ne hita tabukoi na tanga e Edrei.

Vinara 4:44

E Moses i habi a maka vinara na Vure ne huriki a Israel.

Vinara 4:48

Ra malala e huriki a Israel ri bole pali, a nagina i tubu na tanga e Aroer, tabukoi na naru e Arnon, i vano i harena na lolo e Sion re Hermon.

Iosua 1:15

ge harena na tahuna e BAKOVI DAGI a Vure ne hita, ge habia ne hita a malala, ge made kamumu vona e huriki a viri mua. Muri mu hamule valai na malala e Moses i habi ne mua pali, na tabeke koea ne Iordan na nirikena haro.”

Iosua 11:17

A kilakilana malala iea i tubu na lolo e Alak tabukoi o Idom na tabeke mule puru, i lakea liu na tanga e Bal-Gad na maloku ne Lebanon tabukoi na lolo e Hermon na tabeke mule sike. E Iosua i vaubi tabaka turane huriki a hariki nga, i rabalaki lobo ria.

Iosua 11:3

I talo rike a ngava tabu lakea ne huriki a Kenan ri made tabukoi na naru e Iordan, ne huriki a tara ri made na maka tanga na lolo, re huriki a Amor, a Hiti, a Peres, a Iebus. I talo rike tabu a ngava lakea ne huriki a Hivi ra ri made tabukoi na lolo e Hermon na malala ne huriki a Mispa.

Iosua 13:8

A kabu ne Reuben, ne Gad, a kalavana kabu ne Manase, ri bole a malala na tabeke na nirikena haro na naru e Iordan. E Moses a vora ne BAKOVI DAGI i habi ne ria pali.

Iosua 22:4

Ngane, e BAKOVI DAGI a Vure ne hita i habi a nivalemu ne huriki a turane mua, i manga hosi i ta muholi ne ria. I mavonga mu hamule mai a tanga ne mua, na tabeke ne Iordan, hosi e Moses a vora ne BAKOVI DAGI i habi ne mua.