Iosua 11:23 - A Nitana Vure

²³ E Iosua i bole loboa a malala iea, i manga a ngava e BAKOVI DAGI i taki e Moses vona. E Iosua i habia ne huriki a Israel ga robo ne ria liu. I ru a nagi na malala iea, i veru tala takutaku na kabu ne Israel. Muri i uka tabu a vabinga vona a malala iea.

Iosua 11:23 Iomraidhean Croise

A Nimariu 34:11

Mu ramai a vinara nau a taki ioe vona mu gu ramai. Iau ga muga ga lili tala e huriki a Amor, a Kenan, a Hiti, a Peres, a Hivi, a Iebus na malala ne ria.

Vinara 1:38

Pali a viri i pahamuri ioe, e Iosua e tune Nun, ia kunana ge dili. O vakatorea a niluhoi ne Iosua, a vuhuna bara i bole dili e huriki a Israel vona a robo iea.’

Vinara 25:19

E BAKOVI DAGI a Vure ne hita i habia ne mua a robo iea, bara i matakari kamumu mua mu made na nivalemu. Pali na parava tara bara mu rabalaki e huriki a Amalek i uka ma ni gi luhoi mule tabu. Naha ni longokaburungia a ngava iea.”

Iosua 12:7

E Iosua turane huriki a Israel ri ratapile lobo e huriki a hariki na maka tanga na tabeke na nirolona haro ne Iordan, i tubu na tanga e Bal-Gad na maloku ne Lebanon, i harena na lolo e Halak tabukoi na robo e Idom.

Iosua 18:10

E Iosua i rehi na rihiva na satu na tanga e Silo, ge lohoka vona i vai a tabekena malala ge habi na kabu takutaku. Muri i verua a malala i habia ne ria.

Iosua 22:4

Ngane, e BAKOVI DAGI a Vure ne hita i habi a nivalemu ne huriki a turane mua, i manga hosi i ta muholi ne ria. I mavonga mu hamule mai a tanga ne mua, na tabeke ne Iordan, hosi e Moses a vora ne BAKOVI DAGI i habi ne mua.

Iosua 23:1

Na maka pida ri polo pali, e BAKOVI DAGI i habi a nimade na nivalemu ne huriki a Israel, i uka ma ri vaubi ne huriki a pile ri made viliha vonga. Ngane e Iosua i gare.