Iosua 11:17 - A Nitana Vure

^17-18 A kilakilana malala iea i tubu na lolo e Alak tabukoi o Idom na tabeke mule puru, i lakea liu na tanga e Bal-Gad na maloku ne Lebanon tabukoi na lolo e Hermon na tabeke mule sike. E Iosua i vaubi tabaka turane huriki a hariki nga, i rabalaki lobo ria.

Iosua 11:17 Iomraidhean Croise

A Vuhuna 32:3

E Iakop i rudu muga e huriki a vinuru ri gi vakalongoa e tukana e Esau i made o Seir, na robo e Idom.

Vinara 1:7

Mu pe a hini nga mu laho lakea na tanga na lolo ne Amor, na maka tabeke tabukoi vona. Ra maloku ne Iordan, na lolo, na bila, na tabekena malala mule puru, a malala na lavu na Dari na Kurukuruna Malala. Mu lakea na malala ne huriki a Kenan, na malala na tabeke mule lokovonga na lolo e Lebanon, i lokovonga liu na naru dagi e Iupretis.

Vinara 2:1

E Moses i tabana ni vara, i ta maea, “Muri si ngalakapulo, si hamule lakea na malala golea, si ramaia a dala lakea na Dari Vururu. Si ramai kunanea a ngava e BAKOVI DAGI i taki hita vona pali. Si laho viliha na parava i kupo na lolo na robo e Idom.

Vinara 3:9

Pali e huriki a Sidon ri galea ra lolo e Hermon, e Sirion. E huriki a Amor ri galea e Senir.

Vinara 33:2

i taki ria i ta maea, “E BAKOVI DAGI i made na lolo e Sinai, i valai i bele manga a haro na robo e Idom. A parana na lolo e Paran i parai e huriki a tara vona. A agelo i ravulu e rangale (1,000) ri made turana. A kanono dagi i hube na limana a kanena.

Vinara 7:24

E huriki a hariki ne ria ranga, bara i ru na limane mua. Mu rabalaki ria, muri e huriki i uka ma ri gi luhoi tabu ria. I uka tara viri ge tangotata mua, bara mu rabalaki lobo ria.

Iosua 1:4

A nagi na malala mu gu bolea ge tubu mule puru na tabeke i ngeki, ge sike lakea na lolo e Lebanon. Muri ge kaogo vonga ge lakea mai a nirikena haro na naru dagi e Iupretis. A malala ne huriki a Hiti, ia tara mu bolea. Ge kaogo vonga ge lakea mai a nirolona haro, ge harena na Dari na Kurukuruna Malala.

Iosua 11:3

I talo rike a ngava tabu lakea ne huriki a Kenan ri made tabukoi na naru e Iordan, ne huriki a tara ri made na maka tanga na lolo, re huriki a Amor, a Hiti, a Peres, a Iebus. I talo rike tabu a ngava lakea ne huriki a Hivi ra ri made tabukoi na lolo e Hermon na malala ne huriki a Mispa.

Iosua 13:5

a malala ne huriki a Gebal; a malala lobo ne Lebanon i tubu na tabeke na nirikena haro na tanga e Bal-Gad, tabukoi na lolo e Hermon, i harena na dala lakea o Hamat;