Iosua 11:14 - A Nitana Vure

¹⁴ E huriki a Israel ri bole lobo a mahala a bulmakau na tanga nga. I uka ma ri togoa tara viri. Ri rabalaki lobo ria.

Iosua 11:14 Iomraidhean Croise

Ni Gi 31:9

E huriki a Israel ri turari e huriki a ngatavine, e huriki a koma, ri bole polo a maka bulmakau, a maka sipsip, a maka maki kamumu ne huriki a Midian.

Vinara 20:14

Pali mu bole e huriki a ngatavine, e huriki a koma, a maka bulmakau, turana a maki ne ria ranga na tanga. A maki lobo ne huriki a pile mu rata na ningaru ne mua, a vuhuna e BAKOVI DAGI i habi ne mua a maki nga.

Vinara 20:16

“Na tahuna mu bolea tara tanga i pesi pololilo na malala e BAKOVI DAGI ta ge habia ne mua, mu rabalaki lobo e huriki.

Iosua 10:40

E Iosua i bole a maka tanga na tabeke lobo, na tabeke mule puru ne Negev, na maka kupona na nirolona haro, na bilane Iordan. I uka ma i matataroa tara viri ge mahuri, i rabalaki lobo ria, turana e huriki a hariki ne ria. I rata manga a hini e BAKOVI DAGI a Vure ne Israel i takia vona.

Iosua 11:11

E huriki a Israel ri rabalaki lobo e huriki a tahotanga ne Hasor, i uka tara viri ge mahuri. Muri ri rungania a tanga iea.

Iosua 11:13

Pali e huriki a Israel i uka ma ri rungani a maka tanga ni rata na maka kupona. A tanga i takia e Iosua ni gi rungani kunana e Hasor.

Iosua 11:15

Muga e BAKOVI DAGI i habi a ngava na vora vona e Moses. Muri e Moses i habi ne Iosua a ngava nga, lakea e Iosua i ramai lobo. E Iosua i rata lobo a maki i manga a ngava e BAKOVI DAGI i taki e Moses vona.

Iosua 8:2

O vakalobo liu a tanga e Ai turana a hariki vona, ge manga a hini o rata virihi a tanga e Ieriko turana a hariki vona. Pali ngane mu bole a maka bulmakau a mahala ne Ai. Mu kisi a maka lebo na vabinga mu vano mu vaubi vona a tanga iea. O rudu muga ranga nugumaheto, ri gi kapiloho na pogi na tanga.”

Iosua 8:27

Muri e huriki a Israel ri bole a maka bulmakau a maki lobo ne Ai, ri ramaia a ngava e BAKOVI DAGI i taki e Iosua vona.