Iosua 11:12 - A Nitana Vure

¹² E Iosua i nugutata lobo e huriki a hariki i bole a maka tanga ne ria. I rabalaki lobo e huriki a tahona, i manga a ngava i taki e Moses a vora ne BAKOVI DAGI.

Iosua 11:12 Iomraidhean Croise

Vinara 7:2

Na tahuna e BAKOVI DAGI a Vure ne hita ge tuhori mua, mu ratapile ria, mu rabalaki lobo ria. Naha ni rata a ngava dagi turane ria, naha ni dodo ria.

Vinara 9:3

Pali ngane mu lohoka kamumu maea, e BAKOVI DAGI a Vure ne hita, ge muga ne mua, ge manga a kanono i hube i kara hateka. Na tahuna mu laho lokovonga bara i ratapile a maka nitora ne ria. I mavonga bara mu vaubi turane ria, mu lili tala ria, mu ratapile ria malaviriri, i manga a ngava i ta muholi vona ge rata.

Iosua 10:20

E Iosua turane huriki a Israel ri valili ne ria, ri rabalaki e huriki ala kupo. Pali i ranga ri ha, ri kapiloho na tanga ne ria.

Iosua 10:28

Na parava iea kunana e Iosua i bolea a tanga e Makeda, i nugutatea a hariki vona. I rabalaki lobo e huriki a tahotanga, i uka tara viri ge mahuri. A naro i rata virihi a hariki o Ieriko vona, i rata virihi tabua na hariki o Makeda.

Iosua 10:30

E BAKOVI DAGI i tuhori ria, ri mulangi na vabinga ri bolea a tanga, ri tangotatea a hariki vona. Lakea e Iosua i rabalaki lobo e huriki a tahotanga, i uka tara viri ge mahuri. I ratea na hariki iea a naro i rata virihi a hariki o Ieriko vona.

Iosua 10:32

E BAKOVI DAGI i tuhori ria, lakea na parava muri ri mulangi na vabinga, ri bolea e Lakis. E Iosua i uka ma i matataroa tara viri ge mahuri. I rabalaki lobo e huriki a tahotanga, i manga a naro i rata virihi e huriki a Lipna.

Iosua 10:35

Ri bolea na parava iea kunana a tanga e Eklon. E Iosua i rabalaki lobo e huriki a tahona i manga a hini i rata o Lakis.

Iosua 10:37

Ri bolea a tanga iea, ri rabalakia a hariki vona, turana e huriki a tahotanga, e huriki na maka tanga ri pesi tabukoi vonga. E Iosua i ratapile hatekea e Hebron i manga a hini i rata virihi e Eklon, i uka tara viri ge mahuri.

Iosua 11:13

Pali e huriki a Israel i uka ma ri rungani a maka tanga ni rata na maka kupona. A tanga i takia e Iosua ni gi rungani kunana e Hasor.

Iosua 11:15

Muga e BAKOVI DAGI i habi a ngava na vora vona e Moses. Muri e Moses i habi ne Iosua a ngava nga, lakea e Iosua i ramai lobo. E Iosua i rata lobo a maki i manga a ngava e BAKOVI DAGI i taki e Moses vona.

Iosua 13:6

a malala ne huriki e Sidon ri made na maka tanga na kurukuruna maka lolo ne Lebanon; a tanga e Misrepot-Maim. Iau kunana ga lili tala a kabu nga, o bole a malala ne ria, o veru na maka kabu ne Israel, ge ne ria liu. O ramai a ngava a taki.

Iosua 21:44

E BAKOVI DAGI i habi a nivalemu ne ria, i manga a ngava i ta muholi vona ne huriki a gare ne ria. I tuhori ria i ratapile e huriki a pile, i uka tara pile ge rangi ria.

Iosua 8:31

I ramai a ngavane Moses, a vora ne BAKOVI DAGI, i taki e huriki a Israel vona. A vinara ne Moses i ta maea, “Mu ratea tara dede. Naha ni ubikeve na aen a kedo mu gu ratea vona.” Muri e huriki a Israel ri rata polomeli na dede iea a nihabi ni gutu-vuro, a nihabi na nivalemu.

Iosua 8:8

Na tahuna mu bolea pali a tanga, mu rungania na kanono ge manga a ngava e BAKOVI DAGI i vakuku. Ra ngava iea a ngava nau, mu ramai kamumua.”

Iosua 9:24

E huriki a Hivi ri koli ri ta maea, “Mi longo a nitane BAKOVI DAGI a Vure ne mua i taki e Moses a vora vona, ge habia ne mua ra malala iea. Na tahuna mu bele, bara mu vakalobo liu e huriki ri made vona a malala iea. Lakea mi mangenge hateka ne mua, mi tami mua.